25小時不眠不休 吳彥祖賽車奪亞軍 心痛「戰友」退役

型男吳彥祖一向喜歡挑戰新事物，早前便當上專業賽車手，參加一場需連續25小時不眠不休的賽事，雖然過程困難重重，但他與隊友最終仍能一一克服，成功奪得亞軍，遺憾其戰車壞掉，未能再並肩作戰。

早年與太太Lisa、女兒Raven搬回美國生活的吳彥祖（Daniel），這兩年因為疫情關係，未有返回香港參與幕前工作，難得有空檔，遂決定實踐多年的夢想，於美國學習做一個真正的賽車手。早前他在社交網站預告，將會挑戰名為「25 Hours Of Thunderhill」的賽事，需要連續25小時不眠不休進行比賽。

戰車名「Christine」

日前他終於完成賽事，Daniel的隊伍贏得亞軍，過程驚險百出，他說：「呢次比賽好難忘，係我第一次參加連續25小時嘅賽事，當比賽仲有24分鐘就完結，我架車已經承受唔到壞咗，但最終都能夠攞到亞軍。」

雖然贏得亞軍，Daniel卻有所遺憾，因壞掉的戰車「Christine」與他經歷過多場大小賽事，他解釋戰車名字由來：「有一次賽車團隊嘅工程師Eric Brassell，幫架車放油嘅時候，突然自動啟動，仲輾過Eric個身，好在人冇事，令我哋諗起一套改編自史提芬京小說嘅電影《Christine》，講架車會自動着火去殺人，所以幫佢改咗呢個名，依家Christine唔可以再同我落場，其實我好難過。」

拍紀錄片分享

他以「瘋狂」來形容今次賽事，亦慶幸認識了很多朋友：「雖然落場比賽嘅每個人都係競爭對手，但我反而認識到好多好強同好好嘅朋友，同時令我對賽車更加熱愛，遲啲我會喺紀錄片《吳彥祖的速度之旅》，同大家再分享多啲今次比賽嘅經歷。」