26歲「威龍潘金蓮」梁茵掙扎轉行 母打兩份工養家捱病

26歲的梁茵入行七年，在《愛．回家之愛心速遞》演的威龍潘金蓮 而入屋，才剛剛為觀眾所認識，卻因為不忍患病母親為養家日打兩份工，多次想放棄演藝夢退出娛圈轉工求生﹗

撰文：東方新地 圖片：東方新地、梁茵IG

梁茵屋邨妹出身愧冇錢畀家用

屋邨妹出身、草根家庭長大的梁茵，父親是地盤工人，母親身兼家務助理及穴位按摩師，但為了追夢，參加過校花選舉、做過模特兒，最後考入無綫第廿六期藝員訓練班簽約入行。梁茵對演戲有興趣，但入行卻遭父親強烈反對，只有母親支持，但入行三年來工作不穩收入少，雖然身為家中長女、下有一弟，但她未能畀家用。養家重任落在父母身上，母親更要日打兩份工，看見父母獨力支撐頭家，自己卻任性追夢，梁茵坦言多次想放棄，出外搵份穩定工作。

梁茵幸得病母鼓勵繼續演戲

最近梁茵母親患了耳水不平衡等各種病患，梁茵為想母親能專心養病，不要再打兩份工，梁茵之前為方便返工而遷出娘家，近來為減少經濟負擔，以及能照顧病母，最近已搬回新界舊居，一家四口住在屋邨。不過梁茵仍自覺愧對父母，一度想放棄演藝夢想，幸好病母一再鼓勵以及無條件支持，讓她咬緊牙關，現在肩付起供養在學弟弟的補習費及生活費，雖然經濟仍然困難，但梁茵話希望憑自己努力，希望多點人認識，令工作增多，以改善家庭經濟條件。

26歲梁茵有猛男接收工

無綫處境劇《愛‧回家之開心速遞》出名靚女多（詳見《愛回家》9位吸睛女配角！唔係主角都引人注目！），飾演「威龍潘金蓮」Anita嘅梁茵就係成功跑出成為新一任網民女神。叫得女神當然多人 like，最近本刊記者就影到有猛男去電視城接收工，唔通女神好事近？

其實除咗有樣有身材，演藝出身又係何廣沛藝訓班同學嘅梁茵演技有功架之餘，亦都係孝順女知慳識儉照顧病母，咁多優點美德集於一身，多人追又有幾奇。

日前喺電視台收工，就見到梁茵扮到靚一靚著住短裙仔，一出門就有猛男出動私人座駕一早停定喺電視城門口等收工。不過上次拍拖自稱遇上短訊撩女渣男，今次再闖情關，的確唔使急住公開，要睇定啲至得！

曾與「短訊撩女」渣男拍拖

靚女自然多人冧，不過同時都容易受傷，梁茵早前大爆對情人節有陰影，因為多年前曾經發現拍拖一年幾嘅男朋友，同另一個女仔互傳甜蜜短訊，一開好佢都忍住無出聲，仲幫男朋友搵藉口，後來都係要忍痛喺情人節前分手，真係陰公豬！不過梁茵仲後生，大把機會搵到真命天子！

梁茵（Kiko）大起底

26歲的梁茵係第26期無綫電視藝員訓練班的學員，她畢業於粉嶺官立中學（中六）。2016年開始在處境劇《愛·回家》裡飾演瑜伽中心職員「李淇（Kay）」而漸為觀眾認識，2017年再度參演《愛·回家之開心速遞》，憑「威龍潘金蓮」江慧喬（Anita）一角受到不少觀眾注目。2019年，她與健身教練 So Cheuk 合作經營健身室；現時除了當演員，也任職金融從業！

延伸閱讀：

#SailormoonReDraw「月野兔之亂！」全球插畫師惡搞《美少女戰士》 、香港畫師參戰！

2021年香港公眾假期攻略+假期日曆；明年4個紅日在周六！

梁茵2013年入讀第26期無線電視藝員訓練班，現主要是拍攝電視劇，樣貌和身材都非常好，潛力十足。

https://www.youtube.com/watch?v=smpA3Mb693o&t=32s

延伸閱讀：

跪低為爆有女星撩開房道歉 吳啟華：今後一定不會再犯﹗