28位入圍佳麗官方照曝光 邊位最有冠軍相?
無綫年度選美盛事《香港小姐競選》準決賽及決賽分別將於8月22日及9月12日舉行,今年大會以「WE MISS HONG KONG」作為主題,以真人騷方式進行,由8位港姐師姐擔任分組導師教授一班入圍佳麗。喺噚日無綫就發放咗28位入圍佳麗官方照,佳麗們均穿上米色和白色衣服,散發優雅又迷人嘅氣質,唔知大家又認為邊位佳麗最有冠軍相呢?
今年曾志偉回巢後擔任要職,當然要有啲新搞作啦!《香港小姐競選》破天荒以真人騷方式進行,早前佳麗們入住西貢酒店,接受考核爭取晉級資格。而呢個真人騷《We Miss Hong Kong STAY-cation晉級賽》將會喺8月9至11日及8月16至18日晚上10時半播出。
另外,今日28位入圍佳麗再一次亮相,佢哋除咗自我介紹之外,亦會以泳裝出現,但其中嘅趙美倫、馬祖雁、朱綽盈和賴彥妤已經被淘汰。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!