【3日2夜】上郵輪歎名廚饗宴

【立即讚好】全新 Yahoo 旅遊 Facebook 專頁

香港人出名識飲識食，去旅行就更加唔可以怠慢自己嘅口腹！如果只有短短地2晚時間又想去玩食好野，近近地飛一轉台灣泰國又好似趕咗少少，不妨考慮吓近年頗受歡迎的郵輪之旅，星期五晚收工上船、食盡玩盡星期日落船，仲有期間限定嘅名廚特設美食晚宴，諗吓都覺得係疏肝嘅！

Video Music: http://www.bensound.com/

去年才落水的星夢郵輪「世界夢號」就找來六大名廚聯手推出「星夢饗宴」，每位名廚都會為郵輪設計不時不食的海上餐單，當中名廚包括有米芝蓮三星大廚梁經倫、 米芝蓮星級名廚陳國強、 精於法式中菜的鄭永麒、 享有廚壇魔術師美譽的楊尚友、 中國飲食文化大師尹達剛以及全球知名烹飪節目「甄能煮」（Yan Can Cook）主持人甄文達。

今次實試將於9月登場的尹達剛師傅與世界夢號行政總廚Supachai Saisoigeon及團隊聯手設計的【射鵰英雄傳 – 桃花島篇】四手晚宴 。晚宴以金庸名作射鵰英雄傳為設計藍本，連餐單都設計成武林秘笈般一絲不苟。

左邊頭盤以原隻龍蝦鉗配上青瓜、海浙作伴碟、佐以芝麻汁；上面配以香口烏魚子、 啖啖肉之餘又有魚子的咸香味，相當出色。

右邊是以南瓜蓉加咸蛋黃燴蟹肉及蟹鉗、整個湯充滿咸、香、甜、鮮味。

左邊主菜用上現在當造的加拿大象拔蚌、秋天當造時就會換上時令的貴妃蚌或北寄貝，下面以煙韌日本葛粉作底、索哂海鮮的鮮甜以蒸魚豉油味。

右邊用上龍躉斑配上五柳料、下方佐以芥蘭芯、配以加了酒糟的秘製糖醋汁，酸甜又開胃。

左邊最後一道主菜用上沖繩和牛、配上南瓜，淋上麥蘆卡蜂蜜及日式柴魚高湯，入口軟淋即溶。

3道主菜後以芒主甜品作主打、酸甜芒果芭菲配上香口芒果脆脆卷，為一餐劃下完滿句點。

打卡必到全球首個海上Tiffany下午茶

郵輪上除了2間免費餐廳外， 上得船玩緊係可以自己揀去試一啲新餐廳或菜式。旅客可以在船上試到全球首個海上Tiffany下午茶，三層架上放滿咸甜點、頂層的Tiffany Blue 馬卡龍、泡芙以及藍色禮物盒就係打卡之選。價錢$98一位另外15%服務費，這個級數下午茶來講算是相當相宜。

半露天沖繩和牛打邊爐 不一樣的烚下烚下體驗

世界夢號除了周末2晚遊外，更有另一種航程是會去沖繩之旅，船上會用上不少沖繩地道的食材入饌， 其中更可以一嘗在半露天餐廳用當地黑毛AGU豬及A5和牛來打邊爐的體驗。

左邊為一人份的沖繩海陸套餐 HK$288 ，右邊為二人份量的沖繩雙人套餐 HK$580。

沖繩雙人套餐內的肉類會比較多，A5和牛及Agu豬肉質軟淋、入口即化。

星夢饗宴2晚週末郵
出發日期:9月14-16日 / 9月28-30日
價錢：每位 $4596起 （入住The Palace 「皇宮」及可享用一餐尹達剛師傅主理的四手晚宴）