33歲劉溫馨無預警宣布離巢效力逾10年TVB 網民：你值得更好

現年33歲嘅劉溫馨（Virginia），畢業於中央戲劇學院表演系，2013年參選香港小姐，憑樣靚身材正成為賽前大熱，雖然最後只係獲得第四名，但仍獲TVB睇中成為旗下藝人。入行多年嘅佢都係飾演閒角居多，直至近年憑《白色強人II》、《牛下女高音》及《香港愛情故事》，令人留下印象。今日（11日），佢喺社交網站無預警宣布離巢，離開效力逾10年嘅TVB。

今日，劉溫馨於社交網站上載個人照，並宣布離巢消息：「離開…多謝妳TVB十年來對我嘅照顧同栽培，我會努力成長！開始…咁多位你哋好，我係劉溫馨，請多多指教」。呢個PO一出，唔少網民都紛紛留言表示支持及祝福佢，例如「絕對值得 有更好的發展」、「加油，應該會一路進步」、「Tvb埋沒左你 你值得更好」、「祝妳好運，all the best」、「又一個成功嘅脫無者！！」、「加油呀」及「人生苦短，應該出去外闖，一定多姿多彩」等等。

入行多年嘅劉溫馨近年亦都有唔少緋聞，曾與無綫上位小生林正峰被指撻著，更隔空「互寸」指控；最近，佢亦同錢小豪及前妻郭秀雲所生的兒子龐景峰傳出戀情。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！