42歲鍾欣潼旅行靚相美顏太勁 網民要求放棄濾鏡

現年42歲嘅組合Twins成員鍾欣潼（阿嬌），近年轉戰內地市場發展，人氣仍舊高企。不過佢嘅身型時常都會成為網民焦點，曾因荷爾蒙失調變得肥腫難分，及後參加內地綜藝節目《乘風破浪》第三季成功減肥，重回顏值巔峰。喺內地工作不斷嘅阿嬌，最近終於有時間放假，仲喺社交網站上載多張去美國洛杉磯旅行嘅靚相，不過就有網民認為阿嬌已經好靚，根本唔需要用美顏濾鏡。

最近阿嬌前往美國洛杉磯旅行，並上載多張靚相到社交網站與網民分享，並留言話：「LA vibe 短暫的旅行結束 調整狀態迎接新工作」及「旅行是yummy的 終於集齊18宮格 #愛呀2023# ​​​」。唔少網民都紛紛留言叫佢好好休息及大讚佢靚女，不過亦有網民認為阿嬌唔需要用美顏濾鏡，留言話：「鍾欣潼放棄濾鏡！！！」、「18宫格可以都是你本人嘛 本人不要濾鏡的那種 直接怼臉 肯定好看」、「美女求求你放棄美顏，真的求求了」、「寶你真的很美很漂亮 咱放棄那些奇奇怪怪的濾鏡好不好」、「答應我别用美顏相機好嗎」及「嬌！答應我！你不需要開美顏」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！