44歲韓君婷知名度大不如前 為生計重投醫學美容工作

唔少人都想加入娛樂圈呢個花花世界，以為藝人比一般人賺錢容易。唔少藝人表面風光，其實賺嘅錢唔係真係好多，當中更有唔少藝人轉行做其他職業。好似早前想重返娛樂圈嘅韓君婷（Belinda）咁，佢最近就再次投身醫學美容界。

韓君婷1997年參選亞洲小姐，同屆冠軍朱燕珍因被發現隱瞞婚姻狀況，最終由Belinda由亞軍躍升為冠軍。入行後，佢開始參演唔同嘅亞視劇集，其後轉投無綫電視。不過佢其後患上抑鬱症同埋厭食症，2010年暫停演藝事業，移民新加坡，不過幾年前佢回流香港，投身美容界。上年去年媽媽離世後，佢就辭去工作，並打算再次投身娛樂圈，當時韓君婷曾經為面包台主持醫學美容嘅節目。另外，佢仲曾經坦言有意拍劇，不過佢嘅知名度已經大不如前。

日前就有報道指見到Belinda身穿工作制服，去到大型超市買壽司做午餐，睇當時嘅裝束，睇嚟佢應該再次投入醫學美容工作，再次成為一個簡單平凡嘅人。

喺剛剛9月底，係Belinda44歲生日，當日更於社交網站上載一張昔日與去世母親嘅合照，提及到自己現時處於一個迷失嘅方向，但會努力做人以及說話上表達對母親嘅種種思念。

其實韓君婷都好耐冇喺電視劇集出現，未知仲有冇機會喺電視機前面見到佢呢？