56歲劉錫明近照曝光 網民:歲月不饒人

·1 分鐘文章
劉錫明
劉錫明

昔日無綫小生劉錫明,畢業於香港浸會學院音樂系,曾經被推為劉德華接班人。佢當年參加第6屆全球華人新秀歌唱大賽並奪亞軍之後入讀第14期藝員訓練班,同期同學包括有郭富城、林家棟、麥長青、黃德斌、黎芷珊等。入行後,佢曾與林文龍、張衛健及陳嘉輝齊齊被無綫力捧。

於90年有指因佢同拍周慧敏拍攝劇集期間傳出緋聞而引起周慧敏男友倪震不滿,之後被倪震旗下雜誌封為「毒瘤明」而影響事業。後來佢離開香港轉戰台灣,更認識到現任太太。二人於2001年結婚,仲生咗個可愛女兒,唔經唔覺今年已經19歲。

現年56歲嘅劉錫明,近年主力喺台灣及內地拍劇,鮮有於香港露面。近日有劉錫明同網民合照流出,中年發福嘅佢外貌同以前有好大嘅分別, V面變成方字臉。唔少網民睇完近照都紛紛留言:「歲月不饒人」、「發腮了嗎?」等等。

劉錫明
劉錫明

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能