雅虎香港新聞 Yahoo Travel HK
6大夜市4個就執 高雄夜市響警號
去台灣旅行，大家最嚮往一定係當地夜市啦，可以一次過掃街食勻地道小食，環境夠風味，價錢相宜，難怪台灣可以用夜市支撐起旅遊業！不過位於高雄嘅夜市最近就響起警號，事關城市入面嘅6大夜市，金鑽、凱旋、鳯山青年、建工、六合、瑞豐，當中除咗大家聽得最多、最受旅客歡迎嘅六合、瑞豐之外，其餘4個目前都非常冷清，甚至有傳會有商舖結業潮呢！瑞豐、六合唔使多介紹，位處中市心，而且面積大、商舖多，有食有玩有買，而且對旅客非常Friendly，難怪一年可以有近2百萬人次前往！不過其餘4個呢？金鑽、建工、鳯山屬於較小型，只集中做當地人生意；反而凱旋夜市旅客經常忽略，但其實佢係號稱「全國最大夜市」，佔地近一萬平方呎，而且開業只有3年，非常新淨環境清潔，奈何近年陸客減少，旅客又經常只去六合、瑞豐，結果長年冷冷清清，商舖都遷走，形成惡性循環。不過據凱旋夜市官方所講，為咗救亡，已經開始轉型夜市做跳蚤市場，農曆年之年加入攤販、過山車等機動遊戲！大家下次去高雄，不如試下啦！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
凱旋夜市開業3年，其實非常新淨。
（圖：松兒楊＠flickr）
其餘4個夜市包括金鑽等，生意都非常差。
（圖：Kaba＠Flickr）
瑞豐已經壟斷咗高雄夜市大部分生意。
（圖：chang ju wu@flickr）
相關文章：
