60歲不老美魔女小紅書爆紅 凍齡秘笈大公開！

早前內地網紅周Rich喺小紅書上載同媽媽嘅合照，估唔到上載後周Rich嘅媽媽瞬間爆紅，成為大家嘅討論對象，原因係佢媽媽已經「登六」，但身上冇留低任何歲月嘅痕跡，佢唔止個樣逆齡，而且仲肌膚緊緻白哲，散發住貴婦嘅氣質。周媽媽身材高佻纖瘦，身高 165公分並維持體重喺50公斤。佢著衫風格同個女差唔多，佢哋企埋一齊真係似足兩姊妹，連網民都話分唔出邊個係媽媽，難怪周Rich都話以媽媽為人生目標啦！好多人都想知周媽媽點樣保養及保持模特兒身材，早前佢就公佈咗凍齡秘笈，原來都係啲大家都聽過嘅日常生活習慣，例如：

飲食習慣：
1.每餐食7分飽，晚上8點後唔食任何嘢，不過瞓覺前飲一杯紅酒。
2.唔飲冰水及碳酸飲料。
3.不吃油膩嘅食物，一切以少油少鹽為主。
4. 一定要食早餐，例如一片全麥麵包加一杯牛奶。
5.多吃堅果及生果。
6. 多飲豆漿，因為可以補充氣血。
7. 25歲後堅持服用營養補充品（例如：膠原蛋白粉、蜂蜜、燕窩、維生素B6等）

生活習慣：
1. 如果可以行去目的地就絕對唔坐車，散步可以促進新陳代謝。
2. 每天喝至少2公升嘅暖水，不過瞓覺前就唔好飲咁多，因為第二日好易水腫。
3. 保持早睡早起習慣，12點前瞓覺，8點起床。
4. 每日瞓至少一個鐘晏覺。
5. 盡量唔會翹腳，因為好容易骨盆前傾。
6. 唔好用嘴呼吸，因為下巴會變短內縮。
7. 為免脂肪積聚，食完嘢會企半個鐘。

護膚習慣：
1.唔理春夏秋冬，只要出門口就一定搽防曬。
2. 為咗防止造成痘痘及粉刺等問題，寢具每隔大約10日換一次。
3. 用暖水洗臉。
4. 每日堅持敷面膜。
5. 抹護手霜及眼霜
6. 唔用毛巾洗面，因為毛巾好容易有細菌滋生。
7. 唔用睡眠面膜，因為會令到皮膚無法呼吸。

而且周Rich表示媽媽亦有固定做醫美項目，好似佢隔兩年做一次線雕拉提去除法令紋和木偶紋、半年至一年打一次水光針幫肌膚注水等。

有咁好嘅保養習慣，唔怪得保養得咁好啦！

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】中醫拆解凍飲迷思