【7大荒謬投訴】自己買錯機票 反投訴要求退款？

呢個世界咩人都有，最近有位先生係某旅遊吹水台，話自己經過一輪格價，係Jetstar買咗來回單程機票，仲兩張機票相差平左幾百蚊，佢心諗以為係咪航空公司做優惠呢。點知，最後發現回程機票係以當地貨幣結算，比來回機票貴咗。於是，佢先打去card centre，再打去Jetstar投訴，要求人地幫佢轉返換來回機票，仲話嘈到去澳洲總公司度，可惜因為錯不在航空公司，機票無得換，當時人話航空公司唔送飛機餐，又話講咗一個鐘，只換來一句：「我們會將你保貴意見投訴，傳達總部」。結果呢件自己seven咗仲惡人先告狀嘅case，惹來一班網民圍插，既欣賞佢厚面皮，又話自己理虧都仲要投訴，完美演繹係又投訴，唔係又投訴嘅精神。

相片來源：MeetHK.com 旅遊吹水台 Facebook

最近有外國社交網站列出咗7大荒謬旅行投訴，有啲仲癲到投訴自己去完旅行大咗肚，真係辛苦曬各位服務業人士，無奈的係「顧客永遠是對的」，麻煩大家投訴要諗一諗。

1. Twin bed變double bed令當時人懷孕
係咪無諗過咁都有得投訴呢？由Twin bed變double bed，多數都可以同酒店傾轉房，但個客竟然投訴間旅行社，話因為咁令自己大咗肚，小編真係百思不得其解，第一世上安全用品何其多，第二寶寶係天賜的禮物，更加唔應該投訴吧！

2. 19歲「小朋友」點解俾成人價？
一般自助餐廳都有小童半價優惠，有客人竟然投訴點解自己19歲個仔要俾成人價，真係無奈到爆！

3. 唔抵得家鄉天氣好
呢個投訴真係睇到小編眼突，竟然話去旅行個陣，家鄉天氣好到不得之了，個旅行變得好無意義咁話，明明去旅行的意義就係開開眼界，感受世界，與其係咁不如唔好去喇！

4. 滑雪場晾毛巾變冰
有客人係滑雪渡假村的露台晾毛巾，竟然投訴話條毛巾變咗冰喎，究竟呢啲客人有無常識？！

5. 火山無溶岩？
去睇火山，有客人竟然投訴話個火山無溶岩流岀黎，仲話係旅行社求其搵個山呃佢地，點解唔調返轉諗如果個火山有溶岩流岀黎，你估佢仲夠唔夠膽睇呀喇？

6. 德國人淨係講德文
其實呢件事好正常姐，日本人講日文，韓國講韓文，你估到個個都好似香港人咁識兩文三語咩！

7. 獨木舟無廁所
個客人報名之前本身知唔知咩係獨木舟，定其實係想報豪華郵輪之旅？如果獨木舟真係有廁所，小編諗可能係坐個位整個洞，石沉大海掛！

相片來源：Danilla @flickr