AH佛真.惜玩|謝安琪上許廷鏗節目 網民質疑樣貌有變:好有衝動想『蚊』下佢下巴

·3 分鐘文章

許廷鏗(Alfred)首次為ViuTV綜藝節目《AH佛真.惜玩》擔任主持,佢就碌爆人情卡邀請林二汶、林欣彤、陳健安、黃夏蕙等多位圈中好友作嘉賓,為佢哋度身訂造旅程體驗生活;前晚(24日)播出一集,就請到謝安琪(Kay)擔任嘉賓,以「隨心隨性」的生活為題,二人一邊寫書法、學茶藝一邊互訴心聲。

久未喺綜藝節目露面嘅謝安琪就喺《AH佛真.惜玩》中表示同許廷鏗嘅關係有種聯繫,會互相喺對方失意時自動出現。謝安琪亦補充,過往有一段時間不斷向前衝,但原來衝得太趕,連畀自己喊嘅時間都冇,所以佢就選擇慢落嚟,重新搵返一啲自己樂在其中嘅事,隨心而行。不過部份網民就將焦點放喺謝安琪嘅樣貌上,仲留言:「一個整容整到好唔自然嘅人,講咩真心真念,係唔會有說服力。」

謝安琪當年以曲髮、濃眼妝,以及箍牙造型出道,力Sell實力派,仲推出歌曲《姿色份子》控訴現今社會審美標準;不過隨年資愈耐,謝安琪拆掉牙箍同埋妝容作出改變後,由內雙眼皮、矇豬眼變成深邃大眼,屢次傳出整容傳聞,涉及割雙眼皮、開眼頭、提升蘋果肌以及整瘦下巴等,不過謝安琪矢口否認,話係因為箍牙同埋化妝師嘅神乎其技而變靚。而今次亦有大量網民喺ViuTV社交平台專頁留言直指謝安琪每次出現個樣都唔同,呢次個下巴仲怪怪地:「好有衝動想『蚊』下佢下巴,睇下會吾會甩出嚟」、「個下巴好似就嚟跌咁」、「謝安琪個樣好假尤其下巴,做咩整到咁」、「依家仲敢唔敢唱姿色份子?」等等。就謝安琪疑似整容事件,張繼聰早喺2017年忍唔住為老婆發聲,更加開埋名鬧該名「攻擊」謝安琪又肥又整容嘅網民,指:「香港有言論自由,不過就未必每位朋友都有尊重別人嘅修養」,仲話喺佢心目中太太謝安琪好靚;唔知呢次張繼聰見到老婆又再面對咁多抨擊,又會唔會挺身而出?

《AH佛真.惜玩》截圖
《AH佛真.惜玩》截圖
《AH佛真.惜玩》截圖
《AH佛真.惜玩》截圖
《AH佛真.惜玩》截圖
《AH佛真.惜玩》截圖
《AH佛真.惜玩》截圖
《AH佛真.惜玩》截圖
《姿色份子》截圖
《姿色份子》截圖
2015年 謝安琪
2015年 謝安琪
《殭》截圖
《殭》截圖
2018年 謝安琪
2018年 謝安琪
2019年 謝安琪
2019年 謝安琪
2020年 謝安琪
2020年 謝安琪
2020年 謝安琪
2020年 謝安琪
謝安琪
謝安琪
謝安琪
謝安琪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能