csl 及 1010 搶先推出 iPhone Xs / Max 上台 Plan,The Club 會員著數多!

文章來源:Qooah.com

iPhone Xs 同 iPhone Xs Max 即將於 9 月 21 號上市,今日 csl 及 1010 終於搶先一步推出相關出機上台計劃。

睇返 csl 今次開出嘅相關計劃最高月費達 $738 創咗新高 (上年 iPhone X 時最高為 $638),最高價位依然有做零機價以及無限數據。不過,今年就多咗 The Club 會員特別優惠。

csl. 上台出 iPhone Xs 或 iPhone Xs Max 共有四個 Plan 俾大家揀,月費分別為 $298、$408、$548、$738。由下表大家可以見到,如果係 The Club 會員揀 $548 或 $738 月費的話,仲會送多 2GB 中國漫遊數據,以及「86-易」服務,即是會提供一個大陸電話號碼,畀你返大陸可以收短訊或者登記各類服務等。另外,無限數據依然有,但係就都只係限 $548 或 $738 月費,而且需要額外加多 $50 先可以享用到「用量王」服務。

四個月費計劃均需要簽 24 個月,而要要選用 $39 或以上增值服務費以及 $18 隧道費。合約期間會免費送 12 個月嘉保手機維修計劃,以及指定亞太地區 2 日免費環球數據 24 小時通行證。

至於 1010 「貴族台」方面,月費則只有三個,而且由 $529 起跳,其次係 $609 及 $799。同樣地,後邊兩個月費 The Club 會員限定送 2GB 大陸漫遊數據以及「86-易」大陸手機號號。

 

為您推薦更多相關文章:

iPhone Xs 系列雖不支援 5G 網絡,但有超高速 4G 網絡!

iPhone Xs、Xs Max 開放訂購近 24 小時後,出貨時間反提早?