【DR美容案】推銷死者療程錄音曝光 醫生：大陸日本都用作治癌

【星島日報報道】DR醫學美容集團涉於2012年推銷未經驗證的CIK療程，導致一死、兩傷殘，案件今在高等法院續審。 死者陳宛琳生前於2012年5月18日到DR醫學美容中心的一段錄音（節錄）： 陳醫生：解釋俾你知咩係CIK細胞，即係免疫過嘅療程嘞，咁其實CIK細胞就係一啲身體入便有個啲白血球細胞 陳宛琳：哦 陳醫生：咁呢就其中一種，有好多種唔同白血球啦，咁佢就係其中一種，咁佢係比較一啲原始嘅有白血球細胞，咩叫做原始嘅白血球細胞呢就即係，佢白血球嘅用途呢就係喺身體度呢就係打一啲外來，即係唔同，唔係自己細胞嗰啲或者變左唔同樣嘅細胞，咁嗰啲白血球就會殲滅佢，用唔同嘅方法。比較原始嘅意思，就已係佢嘅辨認個樣嘅啫，覺得嗰個細胞，唔係我嘅細胞佢就食咗佢㗎嘞，或者佢就殲滅咗佢，咁我地比較原始嘅白血球細胞，咁CIK就係一種比較原始嘅白血球細胞嚟嘅。咁隨住你年紀愈嚟愈大啦，即係年紀嘅增長呢，呢啲白血球嘅細胞就愈嚟愈小嘅，咁但係我地生活係而家嘅個咁嘅環境度呢亦都好多幅射呀，好多食物呀變異呀，咁呢所以我哋身體呢即係比以前比較更加容易會有變種呀啲細胞，咁呢而家就有呢啲咁。CIK細胞就喺我哋度呢，幫你抽啦，培殖咗打番喺身體度呢，就希望概念上，就希望增加你自己嗰啲白血球嘅數目，去打嗰啲變異嘅細胞，咁呢就等身體唔好話儲存咁多唔好嘅細胞喺身體度嘅，明唔明？ 咁呢個療程其實喺大陸呀，內地呀同埋喺日本都有嘅，咁佢地用黎醫治癌症嘅，咁呢我哋個層面呢，即係我地唔會話想做醫病，醫癌病嘅喺呢度，我哋主要都係想攞個概念就係話想幫我地嘅客人，即係身體健康，好似排毒咁樣，將身體唔好嘅野清除左佢，咁呢就係一個保健品咁樣去調理番身體囉，咁所以我地打嘅數目無幾億，可能幾百萬個細胞咁樣，咁就打番身體度，希望可以剷除啲唔好嘅細胞，等佢唔好困住喺一齊，因為驚佢囤積咗一齊，就驚啲良變惡，以剷除啲唔好嘅細胞，等佢唔好囤積喺一齊，因為驚佢囤積咗一齊就驚啲良變惡，咁變啲唔好嘅野出黎咁樣囉，明唔明？OKAY有無問題問我？ 陳宛琳：咁我果陣呢感冒，但係啲叫做抗生素就要食哂先啦，咁我今日食左一粒，11點幾個唔食ge，咁食一粒咁抽血得唔得？ 陳醫生：其實無影響嘅，抗生素其實主要就係對付D細菌，對付D細菌同埋，對付細菌嘅啫，咁就唔會影響到你啲血球嘅，我今日抽血主要就喺你啲血液入便去搵番啲白血球，即係啲 CIK細胞出黎，跟住搵到啲細胞培植，培植完再打返俾你嘅，咁抽血就會抽大概100cc啦，100cc即係半包維他奶度啦，好少嘅姐，咁就會同你抽完就即刻同你運返去實驗室嗰度即刻同你去抽啲CIK 細胞出嚟啦，跟住之後再培殖，培殖到個數就打番入你嘅體度嘅，明唔明 ? 陳宛琳：明 。 陳醫生：有無問題想問我？ 陳宛琳：暫時無。 陳醫生：OKAY，好吖，咁就，如果無問題，呢張簽咗，咁因為呢張係主要係講話你啲病歷嘅啫，我地主要係想做係即係推介俾啲客就係身體健康啲，我地就唔想話，即係如果有啲上嚟醫病嘅我哋驚佢有太大嘅期望，咁所以我哋都係想做個保健嘅產品，所以就問清楚你啲病歷嘞，咁就都係身體健康無病嘅，咁我哋都，即係其實主要想你簽番個名就確定呢個你講嗰啲係真㗎嘞咁樣。OKAY，咁等陣出去就會幫你抽㗎嘞，咁就，好啦，咁你出去等等先吓。 死者陳宛琳的丈夫楊錦今日亦出庭作供，完成作供後，審訊將於下周一繼續。 三名被告為62歲的周向榮、35歲的麥允齡、32歲的陳冠忠，他們於2015年2月6日被捕，被控一項誤殺罪。

睇更多