I SWIM｜ViuTV新劇集結11大男神騷肌鬥大隻 Edan呂爵安讚Jeffrey屈機

由Edan呂爵安@MIRROR、魏浚笙（Jeffrey）、吳海昕及袁澧林主演嘅ViuTV原創劇《I SWIM》開拍以來已備受注目，終於喺今晚（11日）首播，逢星期一至五晚上9時30分播出。《I SWIM》以游泳為主題，Edan與Jeffrey將會喺劇中展開亦師亦友嘅競賽較量，除咗題材夠熱血，另一賣點必然係集結11大小鮮肉男神，不乏騷肌畫面，認真養眼；就連Edan都大讚Jeffrey喺水底都咁靚仔夠屈機；阮小儀亦賣口乖留言氹返Edan：「唔好擔心，jeffrey係靚仔就梗㗎啦…但你點都係贏嗰個！」藉劇集未播出，一於睇睇有邊11位男神！

《I SWIM》角色｜1. Edan呂爵安 飾 李馬榮
Edan飾演啟賢中學泳隊隊長李馬榮（榮仔），精通游泳四式嘅全能泳手，但一直被勁敵黃亞樂（Stanley飾）所帶領嘅接力隊壓制，直至余浪沖（Jeffery飾）轉校來到，令他有返希望。Edan就曾自爆為演繹此角積極健身，仲戒埋澱粉轉食番薯、雞蛋等食物。

《I SWIM》角色｜2. Jeffery魏浚笙 飾 余浪沖
「零死角男神」Jeffery首演電視劇，未開播粉絲已先轟動！Jeffery於劇串飾演轉校生余浪沖（余仔），成為C班游泳隊成員，亦係天才泳手，與李馬榮（Edan飾）亦師亦友；拍攝前，Jeffery進行地獄式訓練操肌，仲脫埋胸毛。

《I SWIM》角色｜3. Stanley邱士縉 飾 黃亞樂
Stanley早前於《IT狗》演出被讚演技自然；呢次佢就喺《I SWIM》飾演校內明星兼運動健將黃亞樂，亦係田徑、足球、排球獎牌常客及A班游泳隊隊長。Stanley事前用上一個月內學晒游泳四式；同時為咗更貼近角色年齡，事前不惜減肌，31歲演中學生完全無違和感。

《I SWIM》角色｜4. Alton王智德 飾 羅力森
Alton飾演一位泳隊主將，佢係黃亞樂嘅好朋友，但同時亦希望可以超越佢成為飛魚；拍攝前與Stanley一樣減磅減肌。

《I SWIM》角色｜5. Locker林家熙 飾 「袁澧林哥哥」施俊
試當真成員Locker再次拍攝ViuTv劇集，呢次佢就飾演「袁澧林哥哥」施俊，因「80週年校慶事件」與啟賢學校泳隊結怨。

《I SWIM》角色｜6. Martin 王智騫 飾 程子帆
Martin曾參演電影《熱血合唱團》，亦有「翻版柯震東」之稱。呢次佢喺《I SWIM》飾演C班學生兼泳隊成員程子帆（阿帆），又係李馬榮（Edan飾）好友。而Martin亦為角色積極操肌，配合少糖少油飲食。

《I SWIM》角色｜7. ANSONBEAN陳毅燊 飾 章浩
ANSONBEAN陳毅燊係《全民造星3》季軍，今次亦係佢首次拍劇，於劇中飾演說話直接嘅章浩，與Stanley有唔少對手戲。

《I SWIM》角色｜8. Ian江卓科 飾 趙威
Ian江卓科飾演趙威，係A班游泳隊一員；現實中佢亦都係一名游泳健將。

《I SWIM》角色｜9. Phoebus吳啟洋@P1X3L 飾 簡雲長
Phoebus繼ViuTV《冥冥之中》，再拍劇集；於《I SWIM》中飾演C班隊長兼游泳隊成員，又係余浪沖（Jeffery飾）幼稚園已識落嘅朋友。

《I SWIM》角色｜10. George歐鎮灝@P1X3L 飾 何大秋
George飾演C班學生兼游泳隊成員，又係李馬榮（Edan飾）好友。

《I SWIM》角色｜11. Marco葉振弘@P1X3L 飾 楊仕福
Marco飾演A班學生及黃亞樂（Stanley飾）跟班，佢亦係C班泳隊嘅主要攻擊目標。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！