IT狗｜岑珈其入行15年終入屋 感激家人支持追尋演員夢

ViuTV原創劇《IT狗》正在熱播中，收視及口碑都唔錯，而當中飾演Born hub創辦人兼大學講師Kenneth嘅「爺爺」岑珈其，深得網民和觀眾喜愛。岑珈其最近嘅曝光率都幾高，除咗主演《IT狗》外，仲有《膠戰S2》，加上佢又有參與YouTube頻道「試當真」及電影，今年於《緣路山旮旯》裡再度擔任男主角，終於苦盡甘來。

現年31歲嘅岑珈其唔經唔覺入行15年，08年佢憑住導演麥曦茵執導電影《烈日當空》中學生「肥毛」一角而展開演藝圈事業，入行多年佢都經常被安排演學生和主角童年角色而被封「萬年學生」。佢為咗維持生計做過10個行業，包括Sales、跟車、司機、地盤、飲食、雲石打磨、地產、保險及婚禮剪接等等。岑珈其話好彩家人無條件支持佢追尋演員夢，阿哥都主動同佢講：「你份家用我幫你畀埋」。真係全家上下都支持佢做演員，俾佢放心追夢，所以佢都好感激家人支持。

直至2018年，佢終於喺電影《非同凡響》中擔任男主角，上映後大受歡迎。之後又係ViuTV拍攝劇集《教束》，《二月廿九》、《地產仔》及《歎息橋》等等演出，成功提升唔少知名度。

事業開始漸入佳嘅佢，家庭亦都十分美滿，岑珈其於2020年11月同拍拖5年嘅圈外女友Angel結婚。愛情結晶品彥臻亦都係上年元旦出世。佢而家目標係是努力工作，俾老婆、BB及家人幸福嘅生活。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！