JW瞓身擸「飛躍獎」 炎明熹同學未夠秤 向親友拉票

炎明熹昨日為台慶頒獎禮「飛躍進步女藝員」拉票，稱信心一半半。穿上6吋高踭鞋的她自言忍得痛，亦不擔心經常穿高踭鞋會影響增高，笑說：「我發育應該已經結束咗！」

炎明熹（Gigi）、王灝兒（JW）、陳曉華、孔德賢及鄭衍峰等，昨日在將軍澳電視城出席《萬千星輝頒獎典禮2022》「飛躍進步男、女藝員」10強拉票活動。對於有份爭「女飛躍」，Gigi坦言信心一半半，最大勁敵是自己，但無論誰人得獎都同樣開心，有幸入圍讓觀眾看到自己有進步已很滿足，同時亦是推動力。她指拍攝劇集《青春本我》及參加《聲生不息》帶來很多回憶，亦得到很多前輩幫助。問到會否向同學拉票？她笑說：「唔會，因為好尷尬，同埋同學都未滿18歲，唔能夠投票，屋企人有喺親友群組幫我拉票。」

拍劇獲「大小姐」錫住

最近參演處境劇《愛．回家之開心速遞》的Gigi，對角色先賣關子，預計相關場口於農曆新年播映，她笑說：「大家都好玩得，我冇畀『大小姐』（林淑敏）篤魂精，但有同豹哥（單立文）傾音樂，丹爺（劉丹）教咗我抒發情緒方法，大家都好照顧我。」她希望將來有機會多拍劇，因為「煒媽」（陳煒）提點她要多拍攝才能累積經驗。提到最近為學校表演，她笑指是以「王佳恩」及「炎明熹」兩個不同身份演出，又表示日前睇楊千嬅的演唱會時感動到想喊，因有工作才強忍淚水，而聖誕節除了工作外，亦要勤加溫習為應考DSE做準備。

至於JW有4項提名是女藝員中最多，她直言恨攞獎，指過去一年拍劇集、做導師、連玩《獎門人》都付出1000%努力，問到是否以年資取勝？她笑說：「好似插咗我一刀咁，佢哋大把時間進步，雖然我年資最高，但好開心仲進步緊。」