Kawaii爆女星偷酒店枕頭

東方日報
·1 分鐘文章
一樣米養百樣人,3位嘉賓大爆圈中奇人奇事。
一樣米養百樣人,3位嘉賓大爆圈中奇人奇事。

繽FUN星網節目《娛樂揞名爆》繼續有張學潤(Nelson)、Kawaii、可宜同大家爆料,今集主題講「貪小便宜」,好多藝人一有機會就攞盡着數。Kawaii爆有女星的行徑令人咋舌:「試過同佢出埠入住酒店,Check out時發現佢間房無端端冇咗兩個枕頭,問佢竟然裝傻扮懵。」

至於Nelson表示有次獲男歌手邀請,擔任演唱會服裝設計:「啲衫已經做起晒,點知佢又叫我幫手買條超名牌牛仔褲,帶去上海畀佢,事後佢同公關公司互相卸膊,唔肯找數!雖然我趕飛機,但都坐喺度唔走,點都要收埋錢先。」可宜目擊有藝人拍廣告後,出動垃圾膠袋「打包」枱上零食,令她大開眼界。