MIRROR年度排名︳第12位︰Frankie 陳瑞輝 未被觀眾看見的努力

·2 分鐘文章
陳瑞輝(Frankie)
陳瑞輝(Frankie)

今年作品︰

主持- 囝囝囡囡730 / MIRROR EURO 鬥Goal Fun

有排名就有先後,今年MIRROR勢如破竹,但論作品論發展潛力,皮皮係比較淡靜嘅一位。當然可以話佢拍咗劇(《IT狗》)下年先出街嘛。

花姐喺《調教你MIRROR》咁形容Frankie
花姐喺《調教你MIRROR》咁形容Frankie
呢個鏡頭係喺《調教你MIRROR》入面,Frankie一早起身個樣。撞鬼,未化妝set頭都有齊眼耳口鼻,靚仔係著數。
呢個鏡頭係喺《調教你MIRROR》入面,Frankie一早起身個樣。撞鬼,未化妝set頭都有齊眼耳口鼻,靚仔係著數。

花姐講過,佢同Frankie都唔想只係聽到「皮皮真係好靚仔」嘅讚美說話。咁但係睇《調教你MIRROR》聽到同樣由花姐口中所講,學演戲但係學啲唔學啲,明知唱歌搞唔掂於是學結他,結果又半途而廢,咁就明白盛讚「皮皮真係好靚仔」嘅原因......

MIRROR年度排名︳第12位︰Frankie 陳瑞輝 看不見的努力
MIRROR年度排名︳第12位︰Frankie 陳瑞輝 看不見的努力

不過,喺花姐講出Frankie「好懶散」之前,我聽到好重要嘅一句「我同佢啲兄弟都(為Frankie)好𤷪𤺧」。即係話,圍內人都會著緊Frankie。

一隊籃球隊入面,有種球員叫Glue Guy,唔一定最好波,但會同隊友提出意見,凝聚成隊人。MIRROR呢隊波,就有Frankie飾演呢個角色。

MIRROR年度排名︳第12位︰Frankie 陳瑞輝 看不見的努力
MIRROR年度排名︳第12位︰Frankie 陳瑞輝 看不見的努力

梁祖堯喺《調教你MIRROR》出街之後提到「皮皮係一個唔鍾意競爭嘅人,而佢亦都唔係一個會好主動喺大圍表達佢睇法嘅人;但絕對唔代表佢係一個冇要求、冇睇法嘅人,而佢嘅睇法往往都會私下同大家分享」。跟開MIRROR動態嘅都知成隊人私下分成兩邊,而Frankie就喺拍《調教你MIRROR》兩邊破冰之際,嘗試將2班人拉返埋。呢個位,唔易做,亦冇掌聲。觀眾睇唔到皮皮有幾多幕前演出,但係「誰又能鑑定你的醜惡與美好」先?

至於「皮皮真係好靚仔」係咪局限咗佢嘅發展?我覺得Frankie可以參考吓張智霖,Chilam最大賣點係靚仔、入屋、有觀眾緣,結果喺呢行做咗30年。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能