MIRROR年度排名︳第7位︰Jeremy 李駿傑 做足功課 下一個單飛人？

今年作品︰

單曲－ 夢言

未有個人發展機會嘅MIRROR成員，表現嘅機會唔多，所以我會睇埋佢做咗幾多準備，令自己可以獨當一面。被視為下一個「單飛人」嘅Jeremy，今年真係做好多準備工夫︰同Stanley拍YOUTUBE節目《巨龍與豬仔》鍛練主持說話技巧兼保持曝光；生日開網上音樂會，歌單大部份係MIRROR隊友個人作品，展現有幾愛兄弟之餘，亦可以俾人知自己唱功唔輸蝕。同時亦都製作非官方個人單曲《夢言》熱身。(讚還讚，Jeremy聲底薄嘅問題仍然要改善。)

今年Jeremy拍咗好多廣告，開始見到佢拿掐到點樣收放自身嗰種超越性別嘅氣質。我認為佢係咁多個未單飛嘅鏡仔之中，表現最突出嘅一位︰勤力，識諗，有進步，自動自覺，好難得架。

幾時先見到Jeremy個人作品？冇人知。但我唔會期望獨立發展嘅Jeremy得到其他6位嘅聲勢 — 畢竟佢嘅中性花美男風格係小眾口味，Unicorn最想睇到Jeremy 舞台上發光啫。我甚至暗暗希望製作團隊去盡啲，歌曲同MV幾妖幾型都試，千祈唔好遷就大眾。根本睇Jeremy就係美學觀賞門檻！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！