MIRROR公開演唱會周邊商品 官方歌迷會會員冇得優先買自嘲「地底泥」
MIRROR首個紅館演唱會月尾展開,近年香港唔少演唱會都仿效日韓個唱咁推出周邊商品俾fans課金留念。尋晚MIRROR官方fb公布有關商品詳情,有TEE、postccard、相集、小型企牌、扇、襟針、毛巾、口罩等。外國演唱會會有手燈等觀眾帶入場,仲會跟隨大會控制而變色,但今次MIRROR周邊就唔見有得賣。
要買,最大機會當然係去會場外。但係官方公布入面話,想優先購買就要幫襯MIRROR所屬公司MakerVille同系嘅網店,早前成立嘅官方歌迷會會員(MIRO),反而冇份。
有fans自嘲係「MIRO地底泥」,因為俾錢加入歌迷會之後,買演唱會飛買唔到,而家連周邊都冇得優先買。有人好快手就惡搞其中一件周邊TEE,喺句標語WE ARE下面,加咗「地底泥」3個字。亦有歌迷話,入會之後只有迎新禮係福利,但係到而家都未收到。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!