MIRROR唱將 新歌搶點擊 Jer樂壇站穩腳 瞄準男歌手獎

·2 分鐘文章
Jer每次出歌都能為Fans帶來新鮮感!
Jer每次出歌都能為Fans帶來新鮮感!

人氣男團MIRROR實力唱將Jer(柳應廷)出新歌搶點擊,借用「宿命」談母子之間的爭執及仇恨,因選材獨具一格,他自爆出歌首日有「潛」入群組睇Fans反應。出道橫掃樂壇多個新人獎的他,直言接下來會向男歌手獎進發!

Jer之「重生系列」二部曲《砂之器》登場,講述之前《狂人日記》的反叛對身邊人產生傷害,新歌由親情出發,帶出如何修補破裂關係。MV推出短短數日已突破55萬次收看次數,昨日他接受專訪時表示喜出望外:「估唔到大家聽完首歌有共鳴。(擔心題材太深奧啲Fans難明?)唔擔心,廣東歌詞得意在可以好深,又可以好淺白咁表達,我只係選擇咗個深角度,有Fans分析得好勁,搵到7、8成嘅隱藏位。」

姜濤爆轉會驚魂

每次出歌都能為Fans帶來新鮮感,Jer自爆背後其實會因別人期望過高而感壓力:「花好多時間、心機造歌,唔知大家聽完有咩反應,今次首播嗰陣我有入群組睇大家嘅留言,好彩大家都鍾意,放下心頭大石!」出道短短兩年多已站穩樂壇一席位、獲獎無數,他不諱言視男歌手獎為終極目標:「我諗每個歌手都想拎呢個獎,但目前覺得由作品表達我想帶出嘅訊息重要啲。」

另外,其MIRROR隊友人氣王姜濤跟內地足球員撞名,對方宣布轉會過檔消息,嚇窒一班「姜糖」,以為偶像要拆夥,幸而只是虛驚一場!

姜濤的一舉一動,都能掀動不少粉絲!
姜濤的一舉一動,都能掀動不少粉絲!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能