MIRROR新歌登三台冠軍《CHILL CLUB推介榜》落榜惹歌迷不滿:還我WARRIOR

·2 分鐘文章
MIRROR
MIRROR

ViuTV音樂節目《Chill Club》深受樂迷歡迎,佢哋除咗會邀請唔同歌手上節目中獻唱,每周又會有Chill Club排行榜,首個音樂頒獎禮《Chill Club推介榜年度推介20/21》亦喺上月圓滿結束。唔少樂迷都覺得Chill Club排行榜好睇又有公信力,但係最新一期嘅排行榜就因為將人氣組合MIRROR嘅新歌《WARRIOR》落榜,搞到一班樂迷非常嬲。

MIRROR出道兩年多人氣一直居高不下,成功掀起香港久違嘅追星熱潮。除咗每次公開活動場面都非常墟冚之外,啱啱舉行完畢嘅演唱會更係一票難求。新歌《WARRIOR》一曲氣勢十足,無論係歌詞定係MV都感受到MIRROR有幾努力同熱血,火熱情度可以講係周街都聽到。歌曲已經喺三個台拎咗冠軍,喺叱咤 903更已經係連續兩個星期嘅冠軍歌,唔少歌迷都諗住《WARRIOR》好有機會喺《CHILL CLUB推介榜》再下一城,可惜歌曲喺最新一期推介榜落榜。

有網民認為《Chill Club》想維持公正,唔想俾外間覺得佢哋無公信力,偏心自己藝人。不過唔少歌迷及網民都對《WARRIOR》落榜及未能成為冠軍歌而感到不滿,紛紛到ViuTV嘅Facebook及IG留言,例如「近呢兩個星期最紅係呢首歌,Chill Club今次咁樣做,已經冇哂公信力。」、「明白你哋唔想俾人話似TVB冇公信力,但三間電台都有冠MIRROR,咁其實ViuTV冠埋都冇問題,<WARRIOR>係值得攞冠軍歌嘅」、「Warrior hit到咁都唔冠軍?仲要落咗榜,堅嬲」、「還我WARRIOR」、「903 warrior 2星期冠,點解你地會將warrior落榜,還我地warrior」、「其實warrior已經三台冠軍 點解要玩自己啲藝人?」及「平心而論,今次chillclub竟然由得一首受到全城熱捧、路人都勁讚嘅歌曲落榜,實在令人費解。」等等。大家又認為《WARRIOR》值唔值得成為《CHILL CLUB推介榜》冠軍歌呢?

MIRROR
MIRROR
MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能