MIRROR演唱會意外︳為舞者阿峯交代傷勢 「呂校長」同娛圈有淵源 曾被肥姐盛讚

MIRROR演唱會大屏幕墮下意外中,較早前離開伊利沙伯醫院嘅舞者張梓峯,其家人透過「夠薑子 呂校長 l 貓貓校監」FB 專頁交代傷勢,原來並非外界所言嘅「輕傷」。阿峯被大屏幕擊中,頭部、盆骨、大腿同埋腳趾都有傷。

因為呢單消息,更多人認識到主理呢個專頁嘅「呂校長」呂詩慧。原來佢多年前做過傳媒,更加同肥姐沈殿霞合作過。

MIRROR演唱會意外︳為舞者阿峯交代傷勢 「呂校長」同娛圈有淵源 曾被肥姐盛讚
MIRROR演唱會意外︳為舞者阿峯交代傷勢 「呂校長」同娛圈有淵源 曾被肥姐盛讚

「呂校長」大學主修公共行政管理及教育課程,之後曾經喺補習學校教書。2015年,「呂校長」為星級幼兒學校念蘅(Ludus Kindergarten & Nursery)出任校監。念蘅主力提供蒙特梭利及華德福體驗學習,以「遊戲式功課,零壓力下學習」為賣點。

「呂校長」亦曾經做過傳媒人,早前佢先出過post分享同肥姐合作嘅經驗。「呂校長」憶述當年擔任廣告美術指導,工作過程當中全組人被肥姐「剷到上天花板」,佢反而得到肥姐讚「呢度最乖係你,真係用個心做嘢」。「呂校長」仲幫黃夏蕙打點過「生前喪禮」,剛剛又出post分享同蔡瀾嘅一席話,交遊廣闊。「呂校長」同樣有為社會議題發聲,早前佢拍片揭發有老師情緒失控,質疑對方有冇資格教學等等。

MIRROR演唱會意外︳為舞者阿峯交代傷勢 「呂校長」同娛圈有淵源 曾被肥姐盛讚
MIRROR演唱會意外︳為舞者阿峯交代傷勢 「呂校長」同娛圈有淵源 曾被肥姐盛讚

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能