MIRROR演唱會曾掀全城搶飛熱 明年1月登亞博未見炒風 網民：有錢都留低用黎旅行

男團MIRROR上年舉行首個紅館演唱會，掀起全城搶飛熱，喺一票難求嘅情況下，門票被炒至天價。演唱會因意外被腰斬，官方承諾餘下場次將會補場，而早前終於落實會於2024年重辦，MakerVille公布《MIRROR FEEL THE PASSION CONCERT TOUR 2024 · HONG KONG》的詳情，為MIRROR首個巡迴演出，首站為香港，一共舉辦16場，但今次演唱會未見炒風，唔少人都將演唱會門票以原價喺買賣平台轉讓。

MIRROR上年嘅演唱會一票難求，普通門票被炒高10倍或以上，有指黃牛更開天殺價，開價每張門票6萬蚊，更有人喺二手買賣平台標價高達44萬，認真誇張！MIRROR將於下年初舉行演唱會，但今次演唱會炒風不再，仲好多人喺二手買賣平台以原價轉讓門票。

對於MIRROR演唱會門票原價轉讓，唔少網民都認為佢哋已經失勢，亦有網民認為好多人已經有飛，留言話：「條街都少左好多佢地嘅廣告代言同應援」、「係咪過氣了」、「個個掛住solo啲歌又越出越差 唱跳演戲冇樣掂 掛住賺快錢搞到人癱埋 垃圾公司自己攞嚟衰」、「正常人有錢都留低用黎旅行啦」、「因為可以用去年concert飛換今年飛 有幾萬人已經有飛 可能而家賣返d差位出黎」、「姐係有人脫粉同埋冇人要先要平價放」及「我估9成fans都已經有飛係手 差位應該冇得炒價出」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！