MIRROR眾子拍《Innerspace》變落湯雞AK凍到打冷震 Jer大玩「狂人踩」 搞到Ian搶咪 (有片)

MIRROR推出全新派台歌Innerspace為演唱會造勢,MV推出至今已有逾170萬點擊,成績理想。其中「水舞間」一幕更成為熱話。早前眾成員分享了拍攝這一幕的點滴,讓樂迷可以見識到眾人有多貪玩。人氣組合MIRROR最新派台作的MV自推出以來反應熱烈,當中「水舞間」一幕更成為熱話。承接早前眾成員分享了拍攝這一幕的點滴,讓樂迷可以見識到眾人有多貪玩。

Frankie爆隊友玩水

Lokman與AK今趟在InnerspaceMV中成為了騷肌擔當,穿上背心展示強壯臂彎,為了顯示優美線條,二人在埋位前都狂做掌上壓,不過AK因為連夜趕拍劇又再拍MV,在水中起舞人也凍得打冷震,完成後更需要即時喝熱水。AK道:「拍親MV同好似同水分唔開,繼特登Rebound後,今次喺Innerspace又再濕身,但因為最近拍劇又冇乜食嘢,又俾件背心我著⋯⋯我都知我唔夠大隻,抵抗力差少少,仲要第3日拍到凌晨6點幾,攰都係正常,所以會覺得有少少凍。」而跳舞多年的Frankie對於今次「水舞間」一役則道:「我哋跳咗咁多年舞,但喺水裡面跳,好多人都係第一次,原來係非常困難,同埋好多隊友都好大力踏水!」愛乾淨的Alton被濺得全身濕透,但卻未有介懷,更說:「喺水上跳舞係最晚拍攝嘅最後一Part,但能量係幾何級數咁提升,加埋水花,大嘅腳步聲,令到個效果加成,第一次睇Playback嗰下,我哋自己都『嘩!』一聲。」

Stanley剷草式舞技觸發海嘯

今次在水舞間起舞一幕,如要數到最貪玩的,應該非Edan、Stanley及Jer莫屬。Edan笑言出盡力起舞都多得Stanley,Edan解釋道:「嗰個景大家見到都好興奮,因為好靚,而喺水裡跳有水花都好有型。咁喺水裡面都要全力以赴,隻腳嘅力量都要全力以赴,而我係師承Stanley嘅大力踩水。」Stanley聽罷Edan的話,即道:「拍鏡頭水花大先好睇,咁為咗好睇,當然要出盡全力踏水。最後嗰幕Jeremy喺我後面,每次一完擰轉頭望住Jeremy,都係由頭濕到落腳。我有問佢使唔使細力啲,佢話唔使㗎!」Jeremy指為了有型又要靚,也未有阻止Stanley的「惡行」,並說:「冇理由叫Stanley細力啲就我嘛,只不過最尾Ending Pose,我成塊面流晒水,但都要Keep住有型。」其實當災的不只Stanley,AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。未有發言的Tiger,則表示這次拍攝上了人生寶貴一課:千萬別行差踏錯!他說:「個Intro本身好有氣勢好大力咁跳,咁啱嗰下係跪喺度,但音樂一起太細聲聽唔到,大家起晒身又好大力好有氣勢,我一不留神,就好似有個海嘯湧埋嚟一樣,嗰下就即刻醒咗!」

Jer施展「狂人踩」嗌好玩   Ian:你就好玩

另外,Jer鏟草式的舞技也令人很傷腦筋,事關其中一幕他要跣入中間位置,但AK、Ian、Lokman及Edan當時要踎低,結果Jer未有收掣直接鏟入,AK笑指「啲水有浪㗎!每次內心都不其然Wow一聲!」Lokman更將Jer這一鏟為「狂人踩」。Jer聽到大家的形容後,都不禁失笑說:「咁好玩嘛!」本來未有加入討論的Ian都開聲道:「我踎低㗎,你咁樣飛埋嚟,你就好玩囉!」眾人你一言我一語的,人人氣氛高漲,結果Jer打圓場道:「我太投入件事,大家都要濕下身啦!」

不過,Anson Lo卻道:「我幾Surprise自己冇食到水。」Tiger聽到即突破盲腸說:「我知點解佢跳舞咁大力,可以擋返啲水出去。」此外,今次姜濤首度在歌曲中唱Rap,更要用英文演繹,他直言要「用英文說話」,這跟他的Solo作品作品的說話一樣,姜濤希望能從作品中說出MIRROR的心聲。

原文刊登於 AM730 https://www.am730.com.hk/娛樂/mirror眾子拍-innerspace-變落湯雞ak凍到打冷震-jer大玩-狂人踩-搞到ian搶咪-有片-/320437

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能