MIRROR粉絲遍布世界各地!Ian衝出香港登英國火車站
男團MIRROR早前衝出香港登上《紐約時報》,其中Anson Lo(盧瀚霆)就被點名形容係萬人迷!而最近推出新歌《搞不懂》嘅陳卓賢(Ian)都唔惹少,有當地粉絲團為佢喺火車站投放大型電視廣告,並會不時播放歌曲MV,又喺倫敦巴士站落廣告,為偶像新歌全力造勢,仲話會派發應援物資添,一班「Hellosss」(Ian粉絲稱號)真係相當有心機。
而姜濤早前拍攝嘅台劇《超感應學園》,將於9月13日喺ViuTV播出,一班「姜糖」就以佢角色名「西多士」,為佢買巴士車身廣告,設計成「西多士號」,為佢宣傳新劇。而9月8日生日嘅Jeremy(李駿傑),同樣獲「unicorn」(Jeremy粉絲暱稱)應援,巴士變成「駿駿號」,一眾鏡粉又要注意喇!