MIRROR 11子重返舞台 Stanley激動落淚 Anson Lo 喊到唱唔到
星期日晚舉行的第四屆KKBOX香港風雲榜演出,由男團MIRROR作壓軸演出。今次係MIRROR 7月紅館屏幕下墮事故後嘅演出,本應齊人出席,但姜濤因為腳傷未能參與,連個人演出部份都要取消。
MIRROR 嘅演出環節共唱出《Innerspace》、《Boss》及《We All Are》三首歌,頭2首落力跳唱炒熱氣氛,到慢歌《We All Are》時氣氛一轉。由於呢首係休團後首支單曲,部份成員似乎十分感觸,舞蹈員出身嘅Stanley(邱士縉)一起歌就開始眼濕濕,更要彎腰低頭調整心情。
同受傷嘅Mo(李啟言)並肩多年嘅Anson Lo(盧瀚霆)似乎係最激動一員,喊到唱唔到solo部份,企附近嘅隊友Jer(柳應廷)、Tiger(邱傲然)同Alton(王智德)立即執生幫手唱。而由畫面所見,隊長Lokman(楊樂文)同副隊長AK(江㷸生)都眼泛淚光,到歌曲完結時阿Jer更似是鬆一口氣。
完騷後訪問環節中,Anson Lo為落淚影響演出而道歉,「好對唔住……可能呢首歌好似結合咗MIRROR 12個人呢幾個月嘅感受,亦都辛苦晒呢幾個月涉及嘅單位,同我哋捱過嘅所有人,所以當刻諗起呢件事就感觸咗。」
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!