蜘蛛仔湯賀蘭與黑人女演員合演《羅密歐與茱麗葉》被指唔襯 網民︰好似拳手互睥 ｜電影LOL

英國出身嘅《蜘蛛俠》男主角湯賀蘭(Tom Holland）舊年6月宣布停工一年，原因係拍攝Apple TV+劇集The Crowded Room令佢情緒受困擾。就快放完假，蜘蛛仔選擇喺舞台重新出發。湯賀蘭參演嘅舞台劇《羅密歐與茱麗葉》就喺本周正式開演，將會演到8月。

劇團分享咗部份劇照，不過反而引起迴響。有網民話演羅密歐嘅湯賀蘭，同演茱麗葉嘅黑人女演員Francesca Amewudah-Rivers好唔襯，甚至有口賤留言話，二人對望嗰張劇照，睇落似兩個拳手賽前記者會上互睥咁樣。不過睇完演出嘅觀眾大讚男女主角表現出色，又話劇中有大量親吻場面，而演出手法新穎前所未見等等，似乎塞到網民把口。

其實劇團月前公布呢個版本嘅《羅密歐與茱麗葉》男女主角係「黑白配」之後就備受批評，直指選角係為求政治正確，連劇團都要出聲明話要停止一切種族歧視言論。

湯賀蘭拍戲成名，但其實舞台先係佢演戲出發點。2008年嘅《跳出我天地》(Billy Elliot)舞台劇，飾演11歲男主角Billy嘅就係當年12歲嘅Tom仔。

至於幾時會見返湯賀蘭重返銀幕？佢上個月出席活動時，被問到會唔會接拍第4集《蜘蛛俠》，Tom仔話幾時都想再拍Spider Man，自己早前都參與第4集嘅創作過程，不過！湯賀蘭係冇答會定唔會拍嘅。

更多電影文章

再繫「腦」朋友／我在這裡等你／鬼天廈／來世還作人／回憶的漩渦／12.12：首爾之春／來自汪星的你／劇場版 轉生成女性向遊戲只有毀滅 End 的壞人大小姐／屍咒︳電影LOL 今期睇咩戲

動物吸毒發狂變電影界瘋潮 《大毒Bear》之後再有take嘢人狼？︳電影LOL

荷里活藝人接連街頭遇襲 《酒私風雲》視帝Steve Buscemi日光日白被人打傷︳電影LOL

《馴鹿寶貝》原型癡女受訪爆劇情造假 考慮告Netflix誹謗︳電影LOL

唔介意拍《生死時速3》 珊迪娜布洛︰死之前要同奇洛李維斯再合作 ︳電影LOL

馮素波主演短片《垃圾》獲法國影展最佳女演員獎 隱瞞膝傷頂硬上斜路推梳化︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！