《馴鹿寶貝》原型癡女受訪爆劇情造假 考慮告Netflix誹謗︳電影LOL

Netflix上月推出劇集《馴鹿寶貝》(Baby Reindeer)，由喜劇演員Richard Gadd將自己被一位癡女跟蹤騷擾4年嘅真實故事改編而成，播出後反應奇佳。不過英國名嘴主持Piers Morgan喺自己嘅節目最新一集，播出預先錄影訪問《馴鹿寶貝》劇中癡女原型人物Fiona Harvey，訪問內外都充滿花生。

Fiona Harvey係一位58歲嘅蘇格蘭律師，《馴鹿寶貝》播出後唔少人以劇中資料走去search真人版癡女是誰，令佢不勝煩擾，甚至收過恐嚇。Fiona Harvey否認滋擾過Richard Gadd，佢講嘅版本係有一次喺Gadd演出嘅酒吧中，Harvey同酒保傾緊偈但被Gadd打斷，Harvey於是出言鬧Gadd。Harvey認為Gadd之後就愛上佢。

不過劇名《馴鹿寶貝》係同癡女有關，而Fiona Harvey亦承認自己有個「馴鹿寶貝」公仔，佢亦有向Richard Gadd提過。但Harvey認為戲中所講、send過超過4萬封email以及100封信俾Richard Gadd係掐造，但承認send過少於10封email俾對方。Fiona Harvey亦否認自己曾被起訴或入獄，強調劇情處處造假，表明考慮控告Netflix誹謗，因為劇集影響佢嘅事業。

訪問播出後，網民討論劇情真偽之外，仲討論訪問主持Piers Morgan搵Fiona Harvey回應是否恰當，因為Richard Gadd向傳媒提過，劇中癡女原型人物精神狀況並不穩定。而Piers Morgan回應話，佢同製作團隊有觀察過Fiona Harvey嘅精神狀態，認為佢冇問題，而且思路清晰。Piers Morgan又認為應該由法庭判斷Richard Gadd是否虛構故事。

更多電影文章

猿人爭霸戰：猩凶帝國／調教你女友／正欲／五月雪／雪豹︳電影LOL 今期睇咩戲

唔介意拍《生死時速3》 珊迪娜布洛︰死之前要同奇洛李維斯再合作 ︳電影LOL

馮素波主演短片《垃圾》獲法國影展最佳女演員獎 隱瞞膝傷頂硬上斜路推梳化︳電影LOL

英國演員Bernard Hill逝世享年79歲 曾演《鐵達尼號》船長遇難一幕最動容︳電影LOL

The Rock醜聞連環爆！拍新片用樽裝小便 傳推無料打雜舅仔做CEO︳電影LOL

電影LOL︳19歲哈佛華裔男生Wesley Wang自製短片一炮而紅 升呢做荷里活編劇導演

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！