動物吸毒發狂變電影界瘋潮 《大毒Bear》之後再有take嘢人狼？︳電影LOL

舊年上晝嘅西片《大毒Bear》(Cocaine Bear)，以多年前一宗真人真事改編，講述有毒販用飛機交易毒品時出事，成批可卡因跌落森林，咁啱有隻巨熊take晒海量毒品，當然就狂性大發，搞到血流成河……成套戲cult cult地，有啲山寨，但要驚嚇要笑都有嘅。可能戲橋太爆，呢套中成本(3500萬美元）製作，埋單全球收到大約9千萬票房，埋單應該有賺。

電影世界真係下下講原創咩。呢期康城影展，同時都係片商發行商做生意買賣橋段影片融資之類嘅業界交易活動，有片商就推銷一套叫Cocaine Werewolf嘅新片，而且有愛爾蘭發行商買下北美以外全球銷售權。一睇片名就知係向《大毒Bear》「借鏡」，而劇情簡介就話“Cocaine, cash and a crew filming a low-budget horror movie in the eerie woods of northern Pennsylvania clash when an unexpected visit from a bloodthirsty werewolf literally enters the picture–with deadly results.”（可卡因、錢同埋一支拍緊低成本恐怖片嘅攝製隊，喺賓州（美國賓席凡尼亞州）一個奇怪森林遇上，再加埋同一個飢渴嗜血嘅人狼不期而遇，套戲今次真係搞出人命）。

咁到底係咪人狼take嘢後獸性大發大開殺戒？發行商向外媒Deadline表示，Cocaine Werewolf係跟住《大毒Bear》呢個「品牌」開發嘅驚慄喜劇，明晒！預計電影今年暑假會首映，但暫時未知上映規模如何。

其實喺《大毒Bear》出現後，已經有套跟風作Cocaine Shark，講因為實驗室爆炸而令到一批變種生物空群而出。不過Cocaine Shark套戲相當劣，CG鯊魚假過街邊碗仔翅扮翅，劇本燈光攝影被觀眾鬧到一文不值，應該好好笑，爛到笑。搵下搵下原來又有人拍過Cocaine Crabs from Outer Space，知道《大毒Bear》條橋再睇埋片名就知發生咩事。「大毒蟹」直情係冇budget拍攝，所以毒品真係害死人架（是旦啦咁講實冇死）。

更多電影文章

猿人爭霸戰：猩凶帝國／調教你女友／正欲／五月雪／雪豹︳電影LOL 今期睇咩戲

荷里活藝人接連街頭遇襲 《酒私風雲》視帝Steve Buscemi日光日白被人打傷︳電影LOL

《馴鹿寶貝》原型癡女受訪爆劇情造假 考慮告Netflix誹謗︳電影LOL

唔介意拍《生死時速3》 珊迪娜布洛︰死之前要同奇洛李維斯再合作 ︳電影LOL

馮素波主演短片《垃圾》獲法國影展最佳女演員獎 隱瞞膝傷頂硬上斜路推梳化︳電影LOL

英國演員Bernard Hill逝世享年79歲 曾演《鐵達尼號》船長遇難一幕最動容︳電影LOL

The Rock醜聞連環爆！拍新片用樽裝小便 傳推無料打雜舅仔做CEO︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！