雅虎香港新聞 MIRROR Anson Lo、Jer做主角，盤點ViuTV新劇《百萬同居計劃》6大必睇位！
ViuTV的MIRROR劇一套接一套，剛播映的《百萬同居計劃》有盧瀚霆（Anson Lo）、柳應廷（Jer）做主角，故事講述守寡的女強人簡慕華以巨額獎金作招徠，只要搬進她的大宅同居半年，守足規矩即可每人獲發一百萬！剛播出的4集風格輕鬆搞笑，除了主題吸引外，還有什麼看點？以下就來介紹6大必睇位。
ViuTV原創劇《百萬同居計劃》講述富貴女強人霍姐（簡慕華飾）在大婚當日即剋死老公，喪夫後獨居大宅，表面事業心重的她偶然感到孤獨，於是邀請斜槓族燈仔（Anson Lo飾）、下屬阿包（徐㴓喬Asha飾）、初戀蕭遙（黃德斌飾）及攝影師菲姬（黃可盈飾）到大宅同居半年，擔任她的「Part-time家人」，生活費用全包，但期間眾人必須遵守霍姐訂立的一切規矩，半年後若全員齊整留低，每人將獲發100萬獎金！
《百萬同居計劃》6大必睇位：《大叔的愛》原班人馬演出
觀看上述陣容，相信大家都留意到演員跟《大叔的愛》幾乎一樣，簡慕華與黃德斌上次是夫妻，今次亦「再續前緣」飾演初戀情人，德斌上次被發掘出搞笑細胞，今次飾演小男人也同樣討喜出色，帶來不少笑料。除了剛提到的角色，還有練美娟、陳子豐、張紋嘉等上次都有份演出。
《百萬同居計劃》6大必睇位： Jeffrey搞笑擔當
心水清的讀者就會留意到原班人馬獨欠呂爵安（Edan）！原來Edan因檔期問題被逼辭演，劇組搵來魏浚笙（Jeffrey）頂替，飾演Asha的癡心兵仔，靚仔有錢的他為接近女神而請纓到大宅做花王，角色可愛又癡情，是劇中的搞笑擔當！上次在《I SWIM》初次拍劇的Jeffrey演技備受讚賞，今次要搞笑一樣冇難度，演出自然討好。
《百萬同居計劃》6大必睇位： Anson Lo造型百變
Anson Lo在劇中飾演「發錢寒」的斜槓族，身兼侍應、送貨、電工、汽車維修員多職，因此服裝造型非常百變，相信能滿足「神徒」們！
其中一幕講到他送貨時除低外套飲水，身穿白背心的他展露爆肌身材，在網上一夜成名並獲封為「運貨美少男」，未知剩餘集數會否有更大尺度的造型呢？
《百萬同居計劃》6大必睇位：多位YouTuber參演
近年愈來愈多YouTuber成為藝人並參與電影、電視演出，今次《百》劇中，「微辣」的霍哥飾演大宅內的管家，戲分相當重！
至於黃可盈，則是「冬OT」活躍成員。而在簡慕華的時裝公司工作之下屬，亦有前「啱Channel」的阿Gi（現為MakerVille藝人）及「小薯茄」的麗英。
《百萬同居計劃》6大必睇位：娟姐愛犬演出
大宅中有一隻相當可愛乖巧的柴犬「烏冬」，是簡慕華的寵物，每次出場皆十分搶戲。原來這隻萌爆的小狗是練美娟（娟姐）的愛犬，現年8歲，平日已不時在其IG亮相。日前娟姐就出Post為烏冬作自我介紹，表示：「大家好，我叫烏冬，係霍姐嘅愛犬，亦係呢間大宅嘅守護員。多謝監製同導演畀機會，今次第一次拍劇，希望大家喜歡。」
《百萬同居計劃》6大必睇位：劇情搞笑有網絡熱話
劇集風格以輕鬆搞笑為主，當中加入了不少網絡用語及迷因等，最爆笑一幕就是Asha、Anson Lo、霍哥與德斌等重現「五個黑人一個白人」的經典AV截圖迷因。
另外，曾於《志明與春嬌》飾演Brenda的林兆霞扮演風水師，有影射七師傅成分，在劇中教各演員大耍「閃電七連鞭」！
推薦閱讀:
➤ 恐怖片專業戶、身高155的時尚女神！認識《Wednesday》女主角Jenna Ortega的9件事
Follow us on:
Facebook: elleOnlineHK
Instagram: @ellehongkong
YouTube: ELLETVHK
