Neway末落 ︳贏到加州紅敵不過疫情 唱K回憶以外Neway最為人記得嘅5件事

·3 分鐘文章
Neway末落 ︳贏到加州紅敵不過疫情 記唔記得呢5件事?
Neway末落 ︳贏到加州紅敵不過疫情 記唔記得呢5件事?

唔少香港人幫襯過嘅連鎖卡拉OK集團Neway,旗下公司Neway Music Limited被債權人香港卡拉歌曲版權聯盟有限公司向高院入稟提出清盤呈請,案件排喺7月底進行聆訊。消息一出大家都好擔心日後冇K唱,亦都回憶起通宵K飲到嘔嘅那些年。關於Neway,仲有呢啲零碎事……

大聯盟卡拉OK

Neway末落 ︳贏到加州紅敵不過疫情 記唔記得呢5件事?
Neway末落 ︳贏到加州紅敵不過疫情 記唔記得呢5件事?

本來唱片公司一有歌就會供應MV俾K場,但係1998年蘇永康《越吻越傷心》大紅,加州紅出40萬向唱片公司買下獨家試唱權,自此「獨家試唱」成為卡拉OK招徠武器,想唱環球系(即以前寶麗金、新藝寶及正東)歌手新歌就要去加州紅。另外多間卡拉OK如Neway、Big Echo、活力、前衛等不甘示弱,組成「大聯盟卡拉OK」搶其他唱片公司獨家試唱權。不過後來Neway倒戈同加州紅合作,2間公司後來亦因此坐大。

收購加州紅

Neway末落 ︳贏到加州紅敵不過疫情 唱K回憶以外Neway最為人記得嘅5件事
Neway末落 ︳贏到加州紅敵不過疫情 唱K回憶以外Neway最為人記得嘅5件事

Neway同加州紅曾經鬥個難分難解,但係2間集團都曾經一齊合組公司處理獨家試唱版權,間接令唔少對手被淘汰。2010年加州紅傳出賣盤,有報導話本來有財團洽購,但係競爭對手Neway得知買家有娛樂圈生意,恐怕對方收購加州紅後會日益壯大,於是寧願出價過億搶奪。自此Neway可謂盡得K屆天下,不過後來廣東歌聲勢大不如前令K迷減少,加上party room盛行,地方大活戶多令唱K變得單調,加上新冠疫情,「K歌之王」都面臨考驗。

Neway Star

Neway末落 ︳贏到加州紅敵不過疫情 唱K回憶以外Neway最為人記得嘅5件事
Neway末落 ︳贏到加州紅敵不過疫情 唱K回憶以外Neway最為人記得嘅5件事

Neway曾經成立唱片公司Neway Star,歌手陣容其實唔弱,曾經有張智霖、Hotcha、鄭融、鍾嘉欣、關淑怡等,而「視帝」王浩信就係Neway Star首位簽約藝人。前一排辭任TVB旗下星夢娛樂CEO嘅何哲圖,亦曾經係Neway Star嘅揸fit人。

諸葛紫岐陳法拉

Neway末落 ︳贏到加州紅敵不過疫情 記唔記得呢5件事?
Neway末落 ︳贏到加州紅敵不過疫情 記唔記得呢5件事?

Neway創辦人薛濟傑2位公子薛世恆及薛嘉麟,事有湊巧地都同娛圈女星有往來。大少薛世恆(Daniel)曾經同陳法拉秘密結婚6年,2013年離婚。Daniel曾經嘗試轉型做藝人,曾經參與ViuTV《一切從失婚開始》講失婚經歷,提到同法拉分開後消沉過好幾年。至於薛嘉麟就同模特兒出身嘅諸葛紫岐拍拖結婚,而家仲有2個仔,好美滿。當年就有傳份屬妯娌嘅陳法拉同諸葛紫岐有不和,當事人當然否認啦。

Neway末落 ︳贏到加州紅敵不過疫情 記唔記得呢5件事?
Neway末落 ︳贏到加州紅敵不過疫情 記唔記得呢5件事?

唱好K / K Fun

「嚟Neway唱好K」呢句口號唔少人都仲記得,而去唱K中間插播儲K FUN嘅宣傳片就會播足一晚。另外仲有「滿場飛」嘅換飛計劃,都係唔少K迷集體回憶。

Neway末落 ︳贏到加州紅敵不過疫情 記唔記得呢5件事?
Neway末落 ︳贏到加州紅敵不過疫情 記唔記得呢5件事?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!