《單身男女2》被刪吻戲曝光 古仔咀千嬅 一take收貨

【晴報專訊】楊千嬅、古天樂繼《乾柴烈火》後，相隔12年在新片《單身男女2》再演情侶。古仔在戲中向千嬅求婚時奉上情深一吻，但這幕咀嘴戲已被杜琪峯導演刪掉，二人並不知情。不過，親熱鏡頭昨日「意外」曝光。 三年前，古天樂、高圓圓及吳彥祖合演都市愛情喜劇《單身男女》，續集加入楊千嬅與周渝民成為五角戀，令人物關係更為複雜。當中有一幕古仔單膝跪地向千嬅求婚，二人即場激吻畫面昨日曝光，可惜這個鏡頭無緣在大銀幕上出現。對於接吻戲被刪掉，千嬅和古仔都表示不知道。 千嬅從影以來拍過不少愛情片，卻甚少拍親熱戲，她說：「我通常拍喜劇好少咀嘴，今次和古仔做對手戲，一兩take就收貨。（大家咁熟唔怕尷尬？）當時已經拍到尾聲，大家都已很入戲，而且拍杜Sir嘅戲要打醒14分精神，要好熟戲中角色情緒，節奏好快，唔得閒享受。」兩人果然達到快、狠、準的要求。 錫囝囝最冧 其後問千嬅咀得最冧的對手是誰？她爽快回答：「我個仔啦，每次見到佢個嘴仔都忍唔住要咀兩啖。（最好咀嘅男星呢？）梗係我老公啦。」 身兼編劇及監製的韋家輝表示：「在都市戀愛關係中，每個人的選擇都是多層次，大家都纏繞在一張網，主動未必壞，被動亦未必贏。愛情的答案只有一個，但面對的卻是多選一。只有咁樣，我們為愛而開心、為愛而幸福。」 撰文：Pauline 編輯：陳禮恒 設計：鄧俊明