著名導演陳勳奇女兒陳開心墮樓亡

喺前晚11時許，香港著名電影人陳勳奇女兒陳開心(原名陳杏妍，後改名陳雨書)被發現喺將軍澳寶林邨寶儉樓從高處墮下。救護員接報到場，將事主送院搶救，但最終不治。享年只得40歲。自殺原因仍在調查中。

 
有消息指陳開心本身患有情緒病，佢墮樓4小時之前喺Facebook po 咗一張網傳陳寶蓮墮樓身亡嘅相片，後來更喺墮樓前一刻喺Facebook 留言話：「討厭我的人，喜歡我的人，我準確跟你們永遠不見了。」同時po咗自己喺將軍澳寶林邨大廈嘅俯瞰照。
 
由於父親喺資深導演嘅關係，陳開心於98年已經開始進軍影圈。但其實其父一向都反對女兒加入娛樂圈，認為娛樂圈好殘忍，冇人情味。但由於愛惜女兒，所以亦沒有加以阻止。據說陳開心曾經參加港台DJ訓練班，亦參演過父親執導的《辣椒教室》，但可惜喺香港發展都未如理想。不過佢喺感情生活方面則多姿多采，分別跟多位男藝人傳出緋聞。例如有杜德偉、黃又南、李思捷等。而最為人熟悉的應該係與馬國明嘅緋聞。有傳當時女方多次借意親近馬國明，又主動傳短訊，可惜最後都未能開花結果。

 
其實娛樂圈出名壓力大，很多藝人都曾因壓力大而導致有情緒病。
 
2002年，藝人陳寶蓮由於跟兒子生父在電話中發生爭執而留下遺書，服藥及割脈後跳樓自殺身亡，終年29歲。
 
一代巨星張國榮亦因為受抑鬱症及胃酸倒流所困，於2003在中環文華酒店跳樓身亡，終年46歲。