被屈介入表妹婚姻 忍無可忍 嘉穎急搵Law霸大反擊

(綜合報道)(星島日報報道)昨日鄭嘉穎、楊怡及高海寧為無綫新劇《天眼》於土瓜灣拍攝外景。日前某雜誌報道指鄭嘉穎表妹王賢詠離婚，原因正是鄭嘉穎的介入。嘉穎嚴肅地否認此事，他說：「點寫我都好，唔好寫我屋企人，今次已經過咗我底綫。」 昨天拍攝的場口講述嘉穎駕着電單車與匪徒於後巷追逐，期間首次巧遇楊怡及高海寧。由於鄭嘉穎沒有電單車牌，很多鏡頭都未能親身上陣。他笑說：「媽咪唔唯我考牌，佢話揸電單車嘅都係無塊好肉。」問到媽媽可有其他禁止事項？他笑說：「作奸犯科當然唔可以啦！記得細個有偷過爸爸啲煙食。」 競逐金鷹獎男演員 日前有報道指鄭嘉穎介入表妹王賢詠的婚姻，導致女方離婚。對此，日前鄭嘉穎已先於微博嚴正留言，指報道不實、中傷及抹黑，更表示會採取法律行動。嘉穎昨日再次強調，報道不要涉及家人。他沒好氣說：「喺咁敏感嘅問題上亂作一通，我一定要出聲。佢(表妹王賢詠)一個女人，係3個小朋友嘅媽咪，純粹親戚嚟，好過分，所以今次一定要處理。」他笑言收工後會落深水埗搵「Law霸」諮詢法律意見。他笑說：「今次要搵個辣啲！」此外，他有份競逐內地電視金鷹獎「電視劇男演員」，他說：「好開心，多謝，香港人喺內地都有啲成績。」 楊怡高海寧咀戲被Cut 此外，楊怡跟高海寧劇中飾演好姊姊，大歎導演刪減兩人親嘴戲改為親臉頰。楊怡笑說：「好難得㗎，我同高寧仲刷埋牙。」提到羅仲謙為新劇《衝線》試造型，一身緊身單車服暗騷肌肉。她笑說：「我着單車衫都好睇㗎！有嘅，都有留意。」問到高海寧被導演刪減親嘴戲，可會要求跟洪永城加咀戲？她笑說：「我唔會畀佢錫我㗎！(洪永城筍盤喎！)我都覺得，我筍啲囉！」 ■對於鄭嘉穎擬向雜誌採取法律行動，楊怡豎起拇指支持。 ■嘉穎繼於微博表示遭抹黑後，昨日再次澄清。 ■劇中嘉穎的電單車追逐戲，全都只是電腦特效。 ■楊怡與高海寧笑稱叫刷定牙等拍咀戲，卻遭導演刪改了。