[又嚟重口味]《名門暗戰》陳凱琳被姦 點知…
台慶劇《名門暗戰》收視冇咩起色,劇情就去得越嚟越激,講到蔣元(黎耀祥飾演)唔係蔣承天(岳華飾演)嘅親生仔;
Hugo鍾曉陽(黃浩然飾演)會係劇中大奸角,越演越奸;最新輪到蔣勵(陳凱琳飾演)喺酒吧飲醉咗,跟咗前度男朋友上車,仲車咗返屋企想強姦佢。
逐格睇
呢一幕,唔少網民都好期待,但係……最後冇事,都唔知話係好彩定唔好彩。
喺車上面,前度男朋友(譚偉權飾演)個表情其實係想點呢? btw, 譚偉權係資深舞台劇演員,90年代簽過TVB做兒童節目《閃電傳真機》主持,所以唔少80後對佢嘅印象應該仲停留喺「Gary哥哥」,而唔係姦魔……
其實點解無綫啲劇情,咁鍾意安排劇中善良又單純嘅妹妹俾人強姦嘅呢?難怪唐詩詠成日做受害者…
圖片:劇集截圖