Q彈豬腳

【星島日報報道】好吃的一切，多會與肥帶上關係，例如雞油、豬油撈飯、撈麵。一如倪匡話齋：「食雞食皮，豬肉食肥」，點解？就因為冇?層脂肪，就冇?靈魂！所以，愛美食的人，首先不能嫌三嫌四。我的方法，做足運動，食一餐好的，然後，減食兩餐。總之，好的一餐，必須盡情！ 有如苗條女士，幾經辛苦減肥，一見到甜品就失控，心諗——食?先算！肥死是明天事！ 的確，每樣美食，皆有其特質，皆有其先天韻味，必須原件品嘗，才有神髓。例如豬腳，若是冇?層皮，成何體統？所以，一件好的豬腳，首先要有厚厚充滿膠質的皮，再來一層脂肪，少少瘦肉，大條腳筋。此外，頂級豬腳，還要遇上神級廚師，才會變出個天仙配。 小弟是「豬腳迷」，由細到大，對豬腳的濃濃又化不開的膠質，有特別好感。所以，聽到有好豬腳，就似以前一個膾炙人口廣告——Walk A Mile For A Camel。我呢，隨時可以搭飛機去追尋一隻靚豬腳！ ??去到台中，當然問老饕：「本地靚豬腳何在？」答曰：「試試『富鼎旺』隻Q彈豬腳可也。此店專攻外賣及快餐式食法，食完就起身，因太多人幫襯，需流水式運作，晚收八點！」 即搭「小黃」（的士）飛到南屯區中興路，晚七點，已近賣光光所有豬腳，只剩少量。來來來，兩碟！一夾，嘩，軟綿綿，火候非常足夠，入口，唔……會融，又糯又Q，果然有古早式滋味，絕不似今天快餐的標準化學味道。原來，老闆蔡汎傑十八歲開始跟叔父學古法炮製豬腳，嚴選上等台灣溫體豬，年紀不太老、不太嫩。每日清晨，親身將數百斤豬腳，用多個大爐，混入醬油、紅?酥、糖及辣椒，用慢火燉，直至皮Q軟，保證扯出筋骨原味，竅門就在火候掌握！ 地址：台灣台中市南屯區東興路二段120號。