Rose Ma黃芷晴擺檔發新年財

東方日報
·2 分鐘文章
Rose Ma日頭擺檔夜晚趕工,忙到冇得抖。
Rose Ma日頭擺檔夜晚趕工,忙到冇得抖。

「電競女神」馬俊怡(Rose Ma)首度在市集賣蠟燭,日做5位數生意,以致要漏夜趕工交貨,Chur到盡!而藝人黃芷晴亦擺檔發新年財,更笑言禁爸爸黃日華「踩場」。

近年開設蠟燭工作坊的Rose Ma,昨日在尖沙咀市集擺檔,反應理想,每日銷售額達5位數,產品幾乎日日清,她說:「個市集為期11日,預計夾埋有6位數生意,反應比想像中好。初時只係抱住試做嘅心態,估唔到需求咁大,有人一次過掃咗20幾件貨。我每日收檔都要返工作坊整蠟燭,有時整到凌晨4、5點,好耐未試過咁Chur,但好充實同好有成功感!除咗粉絲捧場之外,最開心係有好多人唔認得我,只係因為我嘅產品而買。」

同場的黃日華女兒黃芷晴只擺檔4日,對成績亦感滿意:「冇諗過反應咁好,有幾樣產品差唔多賣晒,已經做咗5位數生意。(點解唔擺多幾日?)我好攰,冇大家咁後生。」她透露爸爸也有扲荷包支持,但拒絕對方前來探班:「我叫佢唔好嚟,我話呢度太年輕唔啱你。佢雖然冇份製作,但有份做品質監控。」

陳凱琳客串店長吸客

而藝人陳凱琳則擔任1日店長,吸引大批顧客幫襯。提到日前與龔嘉欣做直播時,對方揚言「買隻(熊)送畀你個女」,她澄清未有懷孕,亦沒想過追女。

黃芷晴笑言市集太年輕,唔啱爸爸黃日華逛。
黃芷晴笑言市集太年輕,唔啱爸爸黃日華逛。
陳凱琳做1日店長,號召力驚人。
陳凱琳做1日店長,號召力驚人。