Speed Dating 大忌！過來人分享想拍拖先要戒掉這5件事

當人人轉攻交友App搵拍拖對象，你以為Speed Dating已經out咗無人去？錯喇！相反，去得Speed Dating的人更有誠意搵另一半。不過誠意還誠意，犯咗以下五大忌，再有心都唔會有人鍾意！

Speed Dating同對方交換完IG，忌立即起底

曾參加Speed Dating的男生Gary （化名）大爆，試過對在場一位女士有好感，雙方即場私底下交換IG，殊不知對方即時瀏覽他的相片，更針對有女生合影的照片放大，明目張膽地看他與異性的關係，令他覺得不受尊重，未拍拖已無自由度。女生們可能好緊張另一半有咩女性朋友，但大家只是初次見面，公然「侵犯」他的私隱確實無禮貌。

唔好同姊妹孖住參加Speed Dating

Gary 又遇過一個情況：有朋友想參加Speed Dating卻因為怕怕羞羞，邀請朋友一齊去壯膽，原來都係Speed Dating大忌。因為女生會怕孤獨無安全感，自然地與朋友圍埋傾計，男生見到一班女生堆埋一齊，就唔想上前結識，大家又錯過好機會啦！而且同朋友一齊，真性情容易現形，八婆樣或大笑姑婆style唔覺意被發現就慘啦！

Speed Dating唔駛打扮過份隆重性感

記住，你唔係去見工，唔洗著suit咁誇張；你亦唔係去蒲，唔需要出動full gear戰衣。One And Only負責人Billy話，適度打扮，唔駛性感，展現到女生魅力就可以了！小編建議一件little white dress或連身裙，得體大方，淡妝示人就足夠。

Speed Dating最忌以貌取人

有拖拍的女生 Iris 陪過朋友去Speed Dating，佢話要預咗參加者未必高質，包括外表。心頭高的女生因眼前對象非自己杯茶就起槓、冷眼對待，以貌取人的心態實在要不得。你以為自己package好好，其實對方都未必睇得上你。所以唔好單憑外表而落閘，否則會錯失很多發展機會。

Speed Dating時勿查家宅/ 敷衍回應

Billy教路，說話技巧好重要，對住有好感的對象，唔好過份投入，不停講自己的事蹟，只會令對方覺得你太自我；不停查人家宅，又會被認為「審犯」。面對沒興趣的對象，一句起、兩句止，只識「哦」「係」簡短回應更是沒家教表現！

推薦閱讀:

➤ Tina、Jason最愛講性愛話題？交友App公怖多個色色排行榜

➤ 2019 玩交友App 5大技巧 教你篩走渣男、成功尋好姻緣！

➤ 想拍拖一定要夠主動！香港4間Speed Dating公司特色及收費

Follow us on:

• Facebook: CosmoHK

• Instagram: @cosmopolitan_hk

• YouTube: CosmopolitanHK