TVB「御用大隻佬」鄭健樂Rocky自爆離婚 為照顧自閉囝囝重返演藝圈

「無綫御用大隻佬」鄭健樂（Rocky）參與2005年香港先生選舉，奪「健力組」冠軍而簽約無綫出道，因為身型健碩關係，多數都係飾演健身教練、大隻佬以及戇直性格嘅角色。鄭健樂就曾經表示，演員收入唔穩定，試過一個月只有四位數收入，對於需要養家嘅佢根本唔夠；2010年佢就為咗可以賺多啲錢以及多啲時間照顧兩名患有自閉症、過度活躍症和專注力失嘅囝囝而離巢，重返健身教練工作。

54歲鄭健樂擁有超過30年教健身經驗，仲曾擔任過張學友、李蕙敏私人教練，教練經驗豐富，不過近日佢就自爆因為疫情關係，健身室數度被停業，累積落嚟已有約半年時間零收入，加上自己嚿年4月發現胃部感染幽門螺旋菌，需休息一年時間，為節省開支，只好取消兩名囝囝嘅補習同興趣班。

鄭健樂仲透露，現正與太太辦理離婚手續，不過為咗畀更好嘅生活囝囝，佢就積極操弗自己，仲提到錢嘉樂誠邀自己做其私人健身教練；繼續擔任健身教練之餘，鄭健樂都期望能夠重返演藝圈，佢就表示未來將會返無綫拍劇，又會客串電影等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！