ViuTV《幫緊你應援團》有笑有淚有感動 網民:隔離台好難做到

·4 分鐘文章
《幫緊你應援團》
《幫緊你應援團》

ViuTV全新綜藝節目《幫緊你應援團》喺星期一首播,節目由岑樂怡(阿妹)、MIRROR成員Lokman、、Tiger及Alton擔任主持,佢哋每集都會接受唔同嘅委託,幫忙製作驚喜及為嘉賓達成其心願,而家就同大家睇下網民睇完幾集後有咩反應啦!

題材有意義又好睇
《幫緊你應援團》過去幾集已經成功為媽媽級「鏡粉」、火爆情侶、視障咖啡師、玻璃骨女孩成功炮製驚喜,唔少網民睇過節目都話好有意義,尤其係第三集博輝划艇出海及第四集斌琳見偶像陳卓賢(Ian),網民們紛紛喺網上留言讚節目有意義,例如「節目好有意義呀 香港真係需要多d正能量」、「令人好有感受既一個節目,可以透過節目幫助別人成功,非常好睇同有意義!」、「呢個節目好有意義 又可以幫到人」、「好感動,生命影響生命,這節目,非常有意義」及「成本低, 但有愛的應援」等等。

有笑有淚有感動
《幫緊你應援團》唔止有意義,成個節目都令觀眾感到窩心及製作組用心去做製作,係一個有血有肉嘅節目,唔少網民仲話睇到眼濕濕,留言話「好感動!一路睇一路又笑又喊」、「集集都睇到喊,鏡仔們好好地利用自己的知名度,做一啲對社會有意義,有貢獻嘅事,令人感動,香港好在有你哋」、「好欣賞呢個節目!!! 善用藝人既知名度,去完成 / 達到某 d 人或事既願望同目的,而藝人們個份真心真摯,連睇既人感動到,真心 like!!!」、「ViuTV 真係痴x線公司,做埋啲節目咁感動!喊到我隻眼腫哂。」、「集集都有洋蔥」、「成個流程平實無花巧,但對主角來講係好珍貴的回憶,睇到眼濕濕」及「成個節目感動到不得了,充份感受到台前幕後每一位嘅真摯……多謝ViuTV帶俾大家久違左嘅愛。」等等。

TVB做唔到呢個效果
近期外界不停將TVB與ViuTV作比較,而呢個節目都唔例外,唔少網民都認為如果TVB拍呢類型嘅節目唔會有ViuTV呢種效果,仲話TVB會拍得好悶,例如「tvb 真係唔會做到依個效果 感動到喊」、「Tvb 下世都追唔到 拍出來應該悶到喊」及「呢啲真係隔離台好難做到的節目!」等等。

主持表現獲讚賞
今次節目搵嚟岑樂怡(阿妹)、MIRROR成員Lokman、、Tiger及Alton組成應援團,唔少網民睇過佢哋嘅表現後紛紛留言大讚,例如「阿妹 tiger lokman alton 每個主持都做得好好」、「好欣賞ViuTV 既節目,主持真係冇揸流灘,一齊划到終點」、「​​勁讚亞妹! 阿妹 岑樂怡做得好好呀!感動又不煽情,成件事處理得好好,又細心 Lokman 都好正!果然隊長! Viutv 班底好正! 選主持題材都👍🏻👍🏻👍🏻」、「好有意義 就算係一個節目 當打份工咁拍 如果冇耐性 都真係搞唔掂 主持都做得好好」、「​​好好睇嘅節目,好鍾意阿妹,夠真唔造作」、「阿妹好岩拍呢D節目 佢講感受果part好舒服」及「呢集好感動好有愛,阿妹好適合做呢個節目。」等等。

《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖
《幫緊你應援團》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能