《五張經典CAP圖嘅典故,究竟係咩劇情,令佢哋講呢句對白?》
《五張經典CAP圖嘅典故,究竟係咩劇情,令佢哋講呢句對白?》
第一張:
來自《賭神》一幕!
話說高進遇上一個印度籍男子,發哥又高又俊,佛也心動
於是印度籍男子忍唔住flirt佢。
面對突然被Flirt,有感生命受到威脅。
結果,呢句橫空出世!
當然,寸嘴係有代價嘅。
發哥好快就會誤中華仔所設陷阱,碌落山玻。
順手失埋憶,賭神故事亦由此開始。
第二張:
來自《五億探長雷洛傳》一幕
蝦叔為保華仔(又係有華仔份),同秦沛嘈起上嚟。
蝦叔更用槍指嚇秦沛!
面對一支手槍,幾粒子彈,
秦沛依然霸氣外內一齊露,就爆出一句;「你大我呀!?」
最後,蝦叔擺明大佢,話自己隨時會開槍,
秦沛真係畀佢大到,
唯有留下一句:「你好嘢」
第三張:
出自《這個夏天有異性》,
由於Benz雄嘅超前衛衣著,
令出道冇耐嘅阿Sa飽受精神同肉體上嘅衝擊。
胃酸上湧,吐出一句「我想嘔呀!」
睇返呢套戲,仲有王傑同阿嬌,感覺真係好清澀呀!
第四張:
《旺角卡門》中經典一幕,
學友一直被人睇唔起,於是接咗單九死一生嘅任務。
即使等緊佢嘅係死亡,
但面對曾經凌辱自己嘅萬梓良,佢終於可以吐一口烏氣!
用最猙獰嘅表情!狠狠講出呢句。
而「我寧願做一日英雄,都唔想做一世烏蠅呀!」都係令人心酸嘅名句。
第五張:
來自《喋血雙雄》,
劇情講到李修賢為老友報仇,誓要捉拿發哥歸案
可惜發哥面對指嚇,零恐懼。
用丹田氣,緩緩一句「你不如一槍殺死我」!
大家睇開嘅cap圖,發哥都係合埋眼,將「死咗佢好過」嘅精緒露無遺!
但其實呢個合眼moment,只得半秒!網民真係眼利!咁都cap到。
講到尾,最經典,始終都係港產片。
電影來源:《賭神》、《五億探長雷洛傳》、《這個夏天有異性》、《旺角卡門》、《喋血雙雄》
Related Articles