全黑環境拍唱片封套 Twins泳衣上陣

Twins為跨年演唱會加緊排練，同時更忙於籌備新專輯，今次專輯將分拆成兩張EP。事隔3年，阿Sa（蔡卓妍）與阿嬌（鍾欣潼）再次孖住拍攝唱片封套，穿上以線條為主的設計，寓意五線譜的模樣，內裏再以泳衣襯托。為了以最佳狀態拍攝，二人準備功夫做到足，阿Sa除了恆常的體能訓練外，周末還特意早起參與特訓，以運動打造美好身段；阿嬌則勤做Spa及各項美容療程，呈現真實美肌效果。 今次封套另一新嘗試是拍攝時，放棄企定定或坐定定的靚女相，特意加上動感和光影效果。為營造此種特效，Twins需於一片漆黑的環境下拍攝，攝影師著二人隨意走動，二人坦言非常享受，「第一次在全黑環境中拍攝，無人望住感覺比平時自然，好爽！」但過程亦考起攝影師，經常問她們在那？及是否調換了位置？又試過快門聲響起時，Twins突然傳來一句：「我闔埋咗眼㖭！」令現場笑聲此起彼落。 阿Sa與阿嬌直呼拍攝好過癮，「平時攝影師會講 『笑得開心啲！』、『手抬高啲』等等，今次由自己主導，無人知我們的表情和姿勢，每張相都令人期待。剛剛鏡頭前嘻嘻哈哈、走來走去，又好似飲醉酒，好搞笑！」不過她們覺得，「最緊要靚，我們都豁出去了！好多平時唔會試的items我們都嘗試！」 然而，最考驗Twins的並不是這身泳衣裝束，而是一對不合尺碼的高跟鞋，事關阿嬌於拍攝前兩日不慎扭傷腳，做出踢腿、彈跳等吃力動作時，常因腳部肌肉不夠力而大喊：「我飛甩隻鞋呀！」惹來同事反問：「這是新鞋牌子嗎？」阿Sa則見怪不怪並笑謂：「其實佢一向行路都好論盡，經常左腳撞右腳，很不小心！」