周秀娜勸玩家小心過馬路 莊思敏唔敢去高層房捉精靈

【星島日報報道】熱爆全球的《寵物小精靈》手機遊戲《Pokemon Go》正式登陸香港，早前於社交站宜播話率先玩Pokemon Go的周秀娜，因「走數」被眾多失望而回的網民送上大量「負評」，今日遊戲正式抵港，她終於真玩，仲勸喻一眾玩家：「今日出街都見到好多人拎住個電話響度玩，有啲小朋友唔小心過馬路時都玩被車響按，希望大家玩還玩，過馬路時候一定要睇下車先，唔好掛住望小精靈，因為咁樣好危險。」 莊思敏今早下載遊戲，感覺得意加上是時下熱話，不少跟朋友在電話群組互相交流。她說據知無線電視城有好多精靈，問可會大膽到高層房捉精靈？她謂：「唔敢啦！有人同我講有隻喺樂小姐（樂易玲）間房，但我覺得佢講笑。」早前放假去溫哥華探外婆的陳瀅已在當地率先試玩，但在港仍未下載，不過她都分享捕捉比卡超秘技，說：「一開始玩個時佢提供咗3隻小精靈畀你，只要你全部都唔好揀，行開幾步就會捉到比卡超。」 陳栢宇亦在網上分享捕捉到比卡超，據知他也是用陳瀅所講的方法成功捕得。全職照顧愛女的李蘊亦有加入遊戲，其中更在愛女頭頂捕捉到「小哥達」。人妻蒙嘉慧選擇於昨日天清氣朗的日子去登高，同時亦不忘加入「精靈訓練員」，邊行山邊捉精靈。Mr.主音Alan則將兒子與比卡超的圖片合拼，有如餅印一樣。捕捉到蛇精靈的麥子樂則意圖「食字」將它改成好友之名「詩曼」。游學修今早第一時間下載遊戲，但被女友蘇麗珊埋怨「唔等我一齊捉」，男友答她「呢啲野冇得等㗎」，嬲得她問男友「你想死啊！」 何韻詩亦有呼籲大家「睇路」，說：「喂大家玩還玩，可唔可以唔好行行吓停喺路中心呢，唔該。人撞人係唔會死，但都痛㗎。」張敬軒都有留言叫大家注意安全、不要過份沉迷，說：「那小小數吋顯示屏之外，或有更美的風景和更重要的事。凡事恰如其分，才能真正領略箇中樂趣。」

睇更多