李蘊女兒頭頂捉精靈 藝人瘋玩Pokemon Go娜姐提醒「睇路」

【星島日報報道】熱爆全球的《寵物小精靈》手機遊戲「Pokemon Go」昨日正式登陸香港，期待已久的港迷終於能夠成為「精靈訓練員」，四出搜捕小精靈，不少藝人紅星都趕上熱潮立即下載，並在網上分享所捕捉到的小精靈，同時亦有藝人留言希望大家投入玩遊戲之外，要注意安全。 周秀娜之前在其社交網站聲稱率先直播試玩Pokemon Go，豈料最後「走數」，被眾多失望的網民送上大量「負評」。昨日遊戲正式襲港，之前引起「民憤」的娜姐非常關心玩家，她謂：「今日出街都見到好多人拎住個電話在玩，有 小朋友仲唔小心過馬路被車響安，希望大家玩還玩，過馬路一定要睇 車先，唔好掛住望小精靈，因為咁樣好危險。」 莊思敏不敢闖禁區 莊思敏笑言昨早已即時下載Pokemon Go遊戲玩，感覺好得意，加上是時下熱話，還跟不少朋友在電話群組互相交流捉到的精靈。對於警方禁止在報案室內玩，她說：「當然知有 禁區不可以亂咁走，會影響到人的地方唔可以去，亦唔好響馬路邊玩，最危險係全神貫注去追住精靈時，可能會衝出馬路發生意外。不過我在家中捉完，返TVB就響TVB捉精靈，原來TVB有好多。（可會大膽到入高層房捉精靈？）唔敢啦！有人同我講有隻 樂小姐（樂易玲）間房度，但我覺得他講笑。」 李彩華表示Pokemon Go遊戲容易玩，但玩得精確會較難，如經過的地方見到有小精靈出現都會捉，她說：「我在街上見到好多人對實部電話，好明顯響度捉精靈，我覺得太搞笑啦！」至於外國有人為玩此遊戲發生意外，她直言自己不會過分投入，掛住捕捉精靈始終有危險，也見到有人低頭玩到橫衝直撞，反而自己要避開。她說：「我一定唔會玩到 迷，本身唔係遊戲迷，只不過有就玩 啦！唔會上癮，我係有節制的人。」 蒙嘉慧邊行山邊玩 早前放假去溫哥華探外婆的陳瀅自言小時候都有睇《寵物小精靈》，所以這個遊戲對她來說好吸引，其胞弟還玩得好叻：「我一向都好鍾意比卡超，知道有個貼士係一開始玩時佢提供 三隻小精靈畀你，只要你全部都唔好揀，行開幾步就會捉到比卡超。」陳栢宇亦在網上分享捕捉到比卡超，據知他也是用陳瀅所講的方法成功捕得。 全職照顧愛女的李蘊亦有加入遊戲，更在愛女頭頂捕捉到「小哥達」。人妻蒙嘉慧選擇於昨日天朗氣清的日子去登高，同時亦不忘加入「精靈訓練員」，邊行山邊捉精靈。Mr.主音Alan則將兒子與比卡超的圖片合拼，有如餅印一樣。捕捉到蛇精靈的麥子樂則意圖「食字」將它改成好友之名「詩曼」。 何韻詩則呼籲大家「睇路」：「喂大家玩還玩，可唔可以唔好行行 停 路中心呢，唔該。人撞人係唔會死，但都痛 ！」張敬軒亦留言叫大家注意安全、不要過分沉迷：「那小小數吋顯示屏之外，或有更美的風景和更重要的事。凡事恰如其分，才能真正領略箇中樂趣。」 另外， 蘭（Janice）昨日與王雙駿到電台宣傳新歌，經記者口中得知Pokemon Go 遊戲已經上架時表現興奮，雖然不知道當中的精靈角色，但揚言要跟上熱潮立即下載試玩。 ■李彩華玩得投入，但自言不會上癮。 ■李蘊在女兒頭頂捉到「小哥達」。 ■周秀娜終於有機會玩真 Pokemon Go。 ■莊思敏玩到入TVB，都未捨得放手。 ■ 蘭都火速跟上熱潮。 娛樂