板野友美Jump爆香港騷：最熱情今次

【星島日報報道】前AKB48成員板野友美昨晚於九展開騷，身穿黑色露腰裝的板野友美一出場以英文講：「How are you Hong Kong？」隨即又跳又唱《Gimme Gimme Luv》為個唱揭開序幕。 當唱《Crush》期間，板野以英文說：「Everybody Jump！」一班坐於前排的歌迷也呼應偶像齊齊起身跳。唱完後她以廣東話跟歌迷打招呼，說：「大家好，我係板野友美，好耐冇見，好想見你哋，大家玩得開心嗎？」引得在場歌迷大叫。 不時廣東話、英文、日文跟歌迷溝通的板野，透過翻譯跟歌迷說：「兩年前嚟香港好開心，又見到大家，邊個唔識日文？我哋今日都有翻譯，只不過5月，但已經好熱，在日本雖然好熱，都唔及呢度熱，雖然出面好熱，但室內好凍，我只帶短衫嚟，喺酒店覺得好凍就用被捲住自己，冇諗過咁凍。我好怕凍，如果你問我鍾意熱定凍？我都係鍾意熱啲，我怕凍。」 板野更寫信給香港歌迷，並即時以廣東話讀出來，說：「香港的粉絲，你哋好嗎？我呢排幾好，一直好期待，好鍾意香港的夜景，我嚟到時好感動，我覺得香港粉絲好nice！喺香港再開live，我覺得好開心，多謝大家同埋想學多啲廣東話，希望大家high到最後。」其後她連聲說：「我想學多啲廣東話。」 Encore位時，歌迷以日文叫足5分鐘板野友美的名字，其後她再度出場自彈自唱。她說：「嚟到香港點令你哋開心啲，所以我練咗琴，好唔好聽？細個時有電子琴，但第一次彈呢類鋼琴。今次嚟香港再見到大家好開心，之前去上海，但最熱情係今次，好開心。」演唱會接近尾聲，板野唱《For You For Me》時，現場歌迷高舉寫有「I Love You」的粉紅布，營造出一片粉紅人海。最後她與全場歌迷影大合照。（攝影：羅安強）

睇更多