林日曦十大有骨金句


林日曦係林夕徒弟

平時黑口黑面嘅林日曦,憑住澎湃創意推出惡搞雜誌,成功殺出新血路!至於點解佢咁多諗頭,原來佢係個討厭制度嘅反抗者,最憎返學讀書,曾從設計系輟學,加入電台做幕後創作,更係著名填詞人林夕的徒弟之一,花名係林日A或腦細!

林日曦創意多金句亦多,以下精選林日曦十大有骨金句,完全貫徹佢黑面神模樣,句句令人夭心夭肺!

 

金句一 對冇錢收的廣告

「我覺得佢哋唔俾錢又想做廣告,而淨係無差別咁送啲嘢出去就當做宣傳嚟講,係比較悶…我做乜要幫你免費賣悶廣告!」咁又係,呢個世界邊有免費午餐!

 

金句二 對自己成日跌電話

「個Mon嚟講,爆咗好耐,我已經唔想再整返佢,因為佢一定會再爆!」爛咗咪買過,腦細有錢嘛!

 

金句三 呼籲讀者幫襯買書

「搵唔搵到本書都好,去搵店員表示搵唔到。」係咯,有生意一定做!

 

金句四 對柴台讀者

「有幾個人以為我哋欠咗佢,以為一定要每條片都啱晒佢睇,我只係提一提佢哋收皮!」呢啲咪霸氣!

 

金句五 對自己名字經常被打錯

「趁機會話多次俾大家知個「曦」字,速成係:「日(A)尸(S)」,至於倉頡碼就係.. 我唔識倉頡碼。」腦細喎,打字梗係員工做啦!

 

續下頁…

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

延伸閱讀:

跟隨藍夢南 訪尋「夜吾夜」真身

召喚霞姨!史上最流「金融才俊」

 

 

金句六 對自己惡搞雜誌與TVB關係

「我哋九成九嘅節目主題同內容,其實都同大台毫無關係,大台有膠,我係膠都費事俾,因為我都冇睇!」其實好多人同你一樣,冇睇大台好耐!

 

金句七 對亞視熄機一刻

「亞視永遠唔會令歡眾失望… 最後一秒… 竟然係未播晒個節目就sharp cut…」冇失望因為冇希望好耐啦。

 

金句八 對自己個紅色Jordan護腕

「護腕嘅功用,有90%係用嚟懶型,有10%係用嚟索汗…」夠坦白!

 

金句九 對自己經常黑面

「黑面即係我笑緊,可合照唔洗驚!」又真係唔驚喎。

 

金句十 扮窮L話唔去貴價餐廳

「雖然我出咗名有錢過李嘉誠,但本人平時甚少去唔平餐廳,因為..唔平、menu好深、佢哋講完一大輪英文我要扮明真係好攰同埋啲麵包特別調皮,一直都唔知點食啲麵包佢先唔會彈到周圍都係,最慘係我會睇唔過眼逐粒執返..」

相片來源:林日曦fb

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk