港男擲二萬元參加人生課程 唔返工朝10晚12受訓 女友憂墜傳銷陷阱

有網民分享指認識有朋友「上緊啲奇怪洗腦course」，課程以定立人生目標為主題，該名港男花二萬多元報名，為了參加課程而不上班，之後「成個人變得好恐怖」⋯⋯

有網民在討論區分享「朋友個男朋友上緊啲奇怪洗腦course」，指他參加了一個在觀塘某工廠大廈授課的人生課程，「個course係教啲人點愛自己愛他人，仲要設立目標俾自己，日日返到屋企都有功課做。個人變得好似好正經咁，會見到個男朋友好明顯唔同曬，但個感覺係好奇怪。」

網民又指課程有畢業禮，朋友參加畢業禮時，見到「班人講完感想之後攬住一齊喊」，令她感到更奇怪。

網民補充指，課程分三部份，報名費二萬多元，其中一部份要求「一個星期朝早10點去到夜晚12點」，令該名港男「仲上到唔去返工」。當他的女朋友勒他不要參加課程時，「如果唔俾佢去佢會好激動」。

網民擔心所謂的人生課程「勁似啲傳銷，俾人呃錢兼洗腦」，詢問網友意見，又指朋友希望找到方法勸男友不要再參加。

不少網友都分享相關經驗，指認識朋友曾參與類似課程，費用大約萬多元到三萬元不等，有些網友認為該類課程教育學員定立人生目標，改善缺點，並非「洗腦」，但認識的參加者都很快打回原形。

有網友則指，不少曾參加的朋友都會確信課程十分實用，認為可以改善人生路向，並介紹其他朋友報名，「佢會sell身邊嘅人去上，呢啲所謂課程有催眠成份」，的確似「被洗腦」。

有網友就指參加這類課程的人，普遍自信心較低，沒有人生目標、主見和事業成就，透過課程與人分享自己的缺點和錯事，然後被導師和其他學員責罵、指正，再重新建立自我，是以先打擊再重建自信的方式，不過要留意能否持之以恆，亦要小心被勸要以借錢來支付學費。

圖：TVB劇集《愛回家之開心速遞》