雅虎香港新聞 【跟車太貼】疑似姪女踢爆 桃花伯伯有別墅 工人 仲呃綜援
早前有媒體報導出關於一位70多歲的葉姓老人家，以種桃花維生，可惜今年卻遭人臨時棄單！大量桃花無人認購，其媳婦更於網上代葉伯發文，指「好快就新年，如果賣唔哂D花,今年就無錢過年。」引起大批網民同情，紛紛幫她轉載文章。
媳婦不斷在各大Facebook群組宣揚，希望大家都可以幫葉伯伯！網民都十分熱心，部分帖子更有數以百計的分享次數，但原來溫情背後，是不見得光的家醜。
係文章得到廣大網民瘋傳之際，細心留意，每個支持嘅留言都會有一位葉小姐回覆！
呢位葉小姐自稱係葉伯伯姪女，佢目的係揭穿葉伯伯一家嘅真面目！佢直指葉伯伯大陸有別墅，有工人，仲要呃埋綜援！根本唔值得可憐，加上自己細佬(爆料者老豆)過身，就馬上將細佬嘅財產賣曬，間屋就據為己有。
劇情嘅峰迴路轉令一眾網民跌破眼鏡，原來全部都係一場戲！大家都被人利用同情心去獲利，另一位細姪女馬上打鐵趁熱，再爆出葉伯伯一家醜聞，
原來葉伯伯媳婦個老公仲有食白粉添！真係越爆越心寒，如果二位世姪女所言屬實，葉伯伯一家又真係唔抵幫。最後老土都要講返句「跟車太貼好危險架」！
圖片：網絡截圖
相關內容
想追蹤更多最新最好的親子資訊？請瀏覽我們 親子頭條專頁
